Video
Read full review
2020-05-17
1465 views
細細個屋企人會揸車過嚟裕記食燒鵝，係一個童年回憶。今次嚟食lunch，服務好好，燒鵝都好好味。叫咗幾個小菜，川辣牛肉，真係好辣，牛肉都幾淋，炒得夠乾身，送啤酒就幾好嘅。叫咗半隻燒鵝，真係皮脆肉嫩，好好味，唔同屋企附近啲燒味店，連啲肉都好滑嘅，外賣自取而家有八折添。酒釀鵝肝，見佢$88咁平，叫一碟黎試吓，鵝肝本身冇問題，但係啲酒味實在太濃，搞到啲鵝肝味冇乜咁，如果有滷水味嘅煮法會好啲。杞子上湯浸覓菜，依碟菜要$90，有啲貴，但係食飯一定要嗌碟菜，係一碟正常嘅菜。另外叫咗碟椒鹽鮮魷，太遲上菜，唔記得影相，冇乜特別咁，想唔要，佢甩咗單又夾硬煮上嚟，唯有打包返屋企。我覺得服務都幾好嘅，阿姐長期喺枱側邊stand by，又同我哋傾偈話電視台有人嚟拍戲，都幾有人情味。
今次嚟食lunch，服務好好，燒鵝都好好味。
叫咗幾個小菜，川辣牛肉，真係好辣，牛肉都幾淋，炒得夠乾身，送啤酒就幾好嘅。
叫咗半隻燒鵝，真係皮脆肉嫩，好好味，唔同屋企附近啲燒味店，連啲肉都好滑嘅，外賣自取而家有八折添。
酒釀鵝肝，見佢$88咁平，叫一碟黎試吓，鵝肝本身冇問題，但係啲酒味實在太濃，搞到啲鵝肝味冇乜咁，如果有滷水味嘅煮法會好啲。
杞子上湯浸覓菜，依碟菜要$90，有啲貴，但係食飯一定要嗌碟菜，係一碟正常嘅菜。另外叫咗碟椒鹽鮮魷，太遲上菜，唔記得影相，冇乜特別咁，想唔要，佢甩咗單又夾硬煮上嚟，唯有打包返屋企。
我覺得服務都幾好嘅，阿姐長期喺枱側邊stand by，又同我哋傾偈話電視台有人嚟拍戲，都幾有人情味。
Post
