Video
Read full review
2017-09-22
4422 views
同呢班朋友已經大半年冇見，難得相聚，大家都想食餐好兼坐得舒服慢慢傾計。book咗呢間和牛燒肉純，坐喺房間入面，私隱度好高。店員表示今個月嘅和牛產地係鳥取，從未食過鳥取牛肉嘅我哋都覺得幾新奇，都好期待鳥取嘅和牛。餐牌嘅款式好多樣化，樣樣都好吸引，我睇到花多眼亂，唯有交俾朋友發板。先上沙律，柚子汁酸酸地，仲有脆條香脆嘅口感，好開胃嘅一道前菜。好快，所有牛就以拼盤形式上。好正！！先試下牛舌，牛舌每塊薄薄地，但入口軟腍，滲有香濃嘅油脂香，令人回味。西冷大塊又厚身，油脂分佈平均，食落唔單止牛味好濃郁，肉質亦接近入口即溶，非常鬆化juicy。我哋仲點咗上牛排肉同埋特上牛排肉，睇下兩者嘅分別。其實兩款牛排肉都非常非常好食，牛排肉肉質滑嫩，肉味香濃，而同一時間又有豐腴嘅油香，油脂燒透後散發出香味，每一啖都都真係帶俾我強烈嘅幸福感！除咗牛，我哋都有試下其他肉類。日本雞肉燒完都仍然好嫩滑，完全唔會鞋口或者太乾。而且肉味比較突出，的確一分錢一分貨。日本產豚肉一樣出色，豚肉來自熊本縣，無豬肉常有嘅羶味，肉質爽口帶有少少嚼勁，唔錯。白飯$30一碗。飲品巨峰同荔枝梳打都好飲今晚雖然價錢唔平，但真係一分錢一分貨，和
店員表示今個月嘅和牛產地係鳥取，從未食過鳥取牛肉嘅我哋都覺得幾新奇，都好期待鳥取嘅和牛。
餐牌嘅款式好多樣化，樣樣都好吸引，我睇到花多眼亂，唯有交俾朋友發板。
先上沙律，柚子汁酸酸地，仲有脆條香脆嘅口感，好開胃嘅一道前菜。
好快，所有牛就以拼盤形式上。好正！！
先試下牛舌，牛舌每塊薄薄地，但入口軟腍，滲有香濃嘅油脂香，令人回味。
西冷大塊又厚身，油脂分佈平均，食落唔單止牛味好濃郁，肉質亦接近入口即溶，非常鬆化juicy。
我哋仲點咗上牛排肉同埋特上牛排肉，睇下兩者嘅分別。其實兩款牛排肉都非常非常好食，牛排肉肉質滑嫩，肉味香濃，而同一時間又有豐腴嘅油香，油脂燒透後散發出香味，每一啖都都真係帶俾我強烈嘅幸福感！
除咗牛，我哋都有試下其他肉類。日本雞肉燒完都仍然好嫩滑，完全唔會鞋口或者太乾。而且肉味比較突出，的確一分錢一分貨。
日本產豚肉一樣出色，豚肉來自熊本縣，無豬肉常有嘅羶味，肉質爽口帶有少少嚼勁，唔錯。
白飯$30一碗。
飲品巨峰同荔枝梳打都好飲
今晚雖然價錢唔平，但真係一分錢一分貨，和牛質素極好！今晚亦傾得開心暢快！
PS 四人食，超飽........
Post
