所以朋友一話想食韓燒，我就諗起呢間，前菜選擇唔算多，但都係我中意既野，而且調味得幾好,吾會好辣，野食價錢吾算貴，簡左幾樣特別正既分享下。
芝士烤帶子
隻隻都大大粒，d芝士比得一d都吾孤寒，邊煮邊聞到好香，我地無煮到全熟，一拎起食就拉灑芝，好滿足！
1
韓式烤蜆
D蜆唔係出面d食之無味 棄之可惜既細蜆，粒粒都係飽滿既肉，重點係無一隻係死架，好鮮甜唔錯啊
燒鰻魚
呢個性價比好高，好大條好厚肉，不過d皮太易痴皮，失色左少少，同朋友兩個人本身仲怕食唔灑，點知好味到食下食下就無灑lu。
韓牛西冷扒
一睇d雪花分佈就知塊扒靚，又厚又大塊，店員仲好貼心換左個爐比我，唔怕痴左之前d焦，基本上一燒已經好香，我地燒到三成就剪開燒，一到五成左右，我地已經迫不及待夾黎食，好香濃肉味，夠juicy!同平時食既好唔同，我地食緊既時候，店員會好貼心幫我地燒其他野，同朋友仲叫左幾枝韓國燒酒，爽呀，個人推薦少見d既青蘋果味🤤
總括黎講，朋友同我都覺得呢間性價比幾高，服務都吾錯，會再黎呀！
