紅煮意

Open Now

Now Closed

透過openrice搵到哩間野，試過之後發覺價錢合理，食物有心思，所以一個星期去左三次😂第一次-晚餐我叫左個忌廉汁雞排螺絲粉，汁唔係麵粉汁，所以唔會好杰身，掛唔到麵，不過都夠味，雞好味，有醃過，好入味，煎得香脆！友人叫左羊架，伴菜既紫薯蓉令佢覺得好驚喜，因為佢係紫薯迷，畢竟好少餐廳會咁做薯菜，都幾特別！羊唔騷，友人評價對得住個價！芝士焗大蘑菇，雖說係大，但其實唔太大，芝士係片裝芝士，所以40蚊2隻話平唔平，話貴唔貴，不過都幾好味，焗到好juicy!反而杯比利時朱古力令我好驚喜，好濃朱古力味，帶有少少谷咕味，甜度適中，而且大大杯！