六十六十火鍋 (Closed)

如果喜歡吃火鍋嘅朋友，這裡又係另一個好地方，一個價錢就已經有八款自選生猛海鮮同六款自選火鍋配料，而火鍋底有主打三款，我就選了蕃茄濃湯底脆米泡飯套餐$200(每位)，幾個人嘅海鮮同配料都係一樣免得麻煩，而新鮮生猛海鮮呢一part 就真係超正，生猛鮑魚，落水前還會動，在湯內滾一會，夾起入口肉質彈口鮮味，扇貝大隻鮮甜爽口，鮮魷肉質煙韌彈牙，鮮蠔啖啖肉夠晒鮮味，肉蟹內充滿蟹膏，而且肉質鮮甜，正！除此之外還有大大隻嘅沙白蜆，肉質彈牙，沒有沙正！而火鍋配料就點了肉質較嫩嘅西班牙梅頭肉，入口肥美嘅美國肥牛，香脆炸魚皮，肥美嘅魚皮餃，一啖一隻嘅花膠仔最後加埋個脆米泡飯，店員協助處理，脆米加埋啲豬油渣，放入湯底內，味道超級鮮甜香口，十分滿足！食得飽又好味嘅選擇！