雪山冰廳

Open Now

Now Closed

一向鍾意食cheap野嘅孔生我今日搵到寶呀！係青山道呢間茶記，高質之餘價錢一啲都唔貴，環境仲唔係一般茶記咁嗱咋✨✨見隔離叫左焗豬扒飯，大碟得黎又香噴噴，於是我都叫左。一個人應該食唔晒，兩個人食建議可以叫多一個小食。豬扒大塊唔使講，而且厚得嚟仲好鬆軟😋茄汁係好茶餐廳個種味道，唔會好似連鎖店咁同您標榜新鮮番茄，係用茄汁同罐頭先整到嘅味道，唔扼您，唔用新鮮又如何？好食就得啦！嘢可以唔食，奶茶唔可以唔飲😎呢度嘅奶茶好香濃，茶味唔會搶過奶味，奶味又唔會蓋過咗茶味，兩者取得平衡，而且滑到好似bb嘅肌膚咁❤️有時候原來一個人都可以咁浪漫，而原來浪漫唔一定係豆腐火腩飯，焗豬扒飯配濃香奶茶，都可以為一個週末添上色彩🌟