Video
Read full review
2022-10-15
659 views
好耐都冇食蒸汽火鍋，朋友上網睇到呢間蒸氣火鍋係一人一鍋，由於未試過所以就嚟試下。亦都適逢大閘蟹嘅季節，咁就順便黎食大閘蟹，我地一人叫左一個餐share來吃。橫行無忌套餐（＄398）：有一公一乸大閘蟹，我自己就鍾意食公多啲，因為公嘅膏比較滑，同埋比較多，啲膏好鮮甜，而且大閘蟹嘅size都大隻，重4両半，仲望到佢眼仔碌碌。蟶子皇都好大隻而且新鮮，而時令海鮮係蚌。蝦一人有三隻，蝦啖啖肉，而且亦都爽口。蜆嘅份量好多，望到有蜆都仲識郁，而且蜆嘅肉身肥美多汁，冇沙。鮮魚片冇骨，而且肉質嫩滑，食到魚嘅鮮味。鮑魚同元貝都係大大隻，口感彈牙。呢個餐可選安格斯牛肉，肉類可以揀兩份，所以我地兩份都揀安格斯牛肉，牛肉肉味香，而且口感柔軟。呢個餐一開始職員會落定南瓜，食到接近尾聲，職員會留意住客人嘅進度，會幫我哋煮粥，粥吸收哂海鮮嘅味道，呢個先至係精華。九品芝麻套餐（＄218）首先有刺身：帆立貝，北寄貝，甜蝦。炸物：章魚丸，炸粉唔會太厚身，都唔錯。肉方面我地揀左雞肉同埋豬肉，雞肉肉質嫩滑，而且好大件，豬肉都幾甜。蔬菜種類都好多，有南瓜，金菇，冬菇，生菜，粟米，而且都非常新鮮。職員會幫手加魚湯，然後水滾就可以煮米
亦都適逢大閘蟹嘅季節，咁就順便黎食大閘蟹，我地一人叫左一個餐share來吃。
橫行無忌套餐（＄398）：
有一公一乸大閘蟹，我自己就鍾意食公多啲，因為公嘅膏比較滑，同埋比較多，啲膏好鮮甜，而且大閘蟹嘅size都大隻，重4両半，仲望到佢眼仔碌碌。
蟶子皇都好大隻而且新鮮，而時令海鮮係蚌。
蝦一人有三隻，蝦啖啖肉，而且亦都爽口。
蜆嘅份量好多，望到有蜆都仲識郁，而且蜆嘅肉身肥美多汁，冇沙。
鮮魚片冇骨，而且肉質嫩滑，食到魚嘅鮮味。
鮑魚同元貝都係大大隻，口感彈牙。
呢個餐可選安格斯牛肉，肉類可以揀兩份，所以我地兩份都揀安格斯牛肉，牛肉肉味香，而且口感柔軟。
呢個餐一開始職員會落定南瓜，食到接近尾聲，職員會留意住客人嘅進度，會幫我哋煮粥，粥吸收哂海鮮嘅味道，呢個先至係精華。
九品芝麻套餐（＄218）
首先有刺身：帆立貝，北寄貝，甜蝦。
炸物：章魚丸，炸粉唔會太厚身，都唔錯。
肉方面我地揀左雞肉同埋豬肉，雞肉肉質嫩滑，而且好大件，豬肉都幾甜。
蔬菜種類都好多，有南瓜，金菇，冬菇，生菜，粟米，而且都非常新鮮。
職員會幫手加魚湯，然後水滾就可以煮米線。
呢個餐我地追加左一隻元貝（＋＄38）。
餐廳設計好靚，而且蒸爐使用非常方便，教好時間就開始蒸，蒸完仲有自動保溫功能，加上私隱度很高，令人食得好自在。
食到非常飽，套餐最後會有糯米糍，我地分別揀左芒果同雲呢拿，有埋甜品嘅一餐就真係更加滿足。
Post
