滿記甜品

Open Now

Now Closed

今日食得好盡，一個人點左兩個甜品。最近好鍾意食芋圓，所以一嚟就點左白雪仙草芋圓配芒果雪糕。雪糕可以揀雲呢拿味，抹茶味或者芒果味。我揀嘅芒果味雪糕味道一般，下次要試吓其他味。芋圓本身都唔錯，唔會太甜，但亦都有味。只不過佢哋加咗薏米，我覺得唔係咁夾。薏米比較硬，又冇乜味，整淡左成碗甜品。鮮奶麻糬食完個芋圓點半覺得唔夠喉，記得上次同朋友一齊share個鮮奶麻糬，覺得唔錯，但係share唔係咁夠食，所以今次試吓一個人食。初初食落去味道唔錯，鮮奶麻糬好軟滑，比起糖不甩軟熟好多。麻糬本身應該係喺雪櫃度攞出嚟，所以質感有啲凍，撈埋啲花生糖，都幾清新。但係始終之前已經食咗個芋圓，在一個人食過鮮奶麻糬，食到一半就開始有啲飽，建議如果已經有嗌其他嘢食，都係同人哋一齊share個鮮奶麻糬會滋味啲。