好處係食材嘅鮮味同營養價值都能夠保留，同時仲可以減少油脂嘅吸收
非常健康。
餐廳嘅用餐環境唔錯，整體裝修簡潔大方，氛圍舒適
仲有好好嘅 privacy，會有個竹簾隔住每一台嘅客人
事不宜遲，睇吓個餐牌點餐先
今次分別試咗九品芝麻同埋內務總管
1
喺上菜前，職員就介紹返嗰邊有個醬料區，大家可以按照自己嘅喜好去揀調味料。
先黎頭盤～ 帶子&甜蝦刺身鮮甜
而唐揚炸雞炸得好juicy，有少少出乎意料之外，因為本身都係諗住主打食海鮮估唔到炸雞都做得幾好喎
除咗海鮮之外佢哋都另外有配多種蔬菜～而肉類嘅選擇係有雞，豬，牛，個餐係可以揀兩種嘅
呢度都係用QR code落單㗎，自己可以慢慢睇慢慢揀
大家唔使擔心唔知道海鮮嘅蒸煮時間，因為餐廳有個表，好貼心咁話晒比大家聽🥰 可以將海鮮烹煮至完美熟度
白蜆🐚好鮮甜，好夠味，完全唔洗落豉油
但好可惜有1-2隻有沙🥲
蝦🦐係用海中蝦，蝦頭有小小蝦膏，肉質彈牙
而大蜆🌊，肉質比白蜆爽啲，加埋調味料更好味
鮑魚🦪比想像中大隻，超有口感，不過記得蒸5分鐘好啦
因為過熟嘅話會有小小韌～今次嘅時令海鮮俾咗黃金蚌🥇，好鮮甜同彈牙，完勝蜆類😂哈哈，最正係餐廳預先處理好蚌嘅內臟(平時見個啲係蚌肉側邊嘅黑色野)
蟹🦀️雖然得半隻，但係超大隻！仲要有蟹糕🥹睇下個蟹鉗就知道佢嘅份量😂
原來餐廳入邊係有個活海鮮魚缸，唔怪得知啲海鮮咁新鮮啦
食完海鮮之後我就再食咗少少肉類同丸類，最後食蔬菜去清一清個口腔😛發現原來蒸蔬菜🥬係超甜，下次係屋企都可以考慮下蒸菜，唔一定再係烚/炒菜啦
食到最尾，職員幫我安排咗魚湯烏冬，完全吸收哂成餐食物嘅精華呀
我揀咗麻辣味，而餐廳係將麻辣醬分開嘅，建議大家都可以試下用黎點海鮮嚟食，別有一番風味
