漁獲浜燒 (Closed)

浜燒🔥一詞，日文解作喺岸邊將即時捕捉到嘅海鮮🐟🦞即燒即食。呢間日式料理店以同樣嘅概念，店內有幾個大水缸養住每日由日本運到嘅新鮮生猛海鮮🦞，客人即叫就時拎上嚟喺你面前燒，包保所有海鮮控都會食得滿足！😋.🥗特製黑松露炙燒平目魚邊沙律 ($138)，未食海鮮前，先嚟食啲沙律開開胃，牛油果🥑、蕃茄仔🍅、生菜🥬配上炙燒平目魚同香濃黑松露醬。😊 前菜過後，就嚟🦀 #味噌蟹甲羅燒（$78），正式為浜燒盛宴揭開序幕🙌🏼！極度邪惡嘅海鮮，蟹膏味道超濃郁🤤，用嚟配脆樂樂嘅麵包一齊食就最好不過，阿叔嘅個人必食推介！👍🏽 二人前浜燒盛合 (活) ($798)，二人份量，一盤包有鮑魚、大蝦🦐、扇貝、蠔同蟹脚🦀。師傅嘅手勢簡直一流，所有海鮮都燒得剛剛好，特別鍾意鮑魚、扇貝同蠔。鮑魚超大隻，燒之前仲郁吓郁吓，非常新鮮，燒之後，口感爽口彈牙🤤！扇貝用上醬汁同牛油兩種唔同燒法，前者味道濃郁，後者就非常香口。燒蠔肉質肥美，加上少少檸檬汁，鮮甜味更出眾。😋.盛宴過後，最好不過食甜品！#柚子、菠蘿雪芭($68/$78)，賣相可愛，味道酸酸甜甜，食完醒神晒！