天 · 悠蔬食 (Closed)

成日都大魚大肉，係時候食下素食啦！素食其實好多樣化！仲有好多菜式比你揀，中式、西式、日式任你揀，今次我就揀左泰式，一樣有得食如餅蝦餅～～🌖悠蔬食小食拼盤 $158拼盤有五款小食，每款兩件共五件。五款小食分別為酥脆腐皮卷、泰式如餅、泰式哈餅、酥炸蒟蒻及吉列牛油果🥑。推介酥炸蒟蒻及泰式如餅❗️酥炸蒟蒻質地較結實，與麥樂雞質感相同，唔講完全唔知自己係食緊素！泰式如餅混入左蔬菜粒，質地較鬆軟多汁。🌗泰式炒飯 $108炒飯炒得油亮乾爽，與平常嘅味道無異，且菠蘿🍍味道較突出，不過少左肉碎就硬係爭少少，如果多返少少辣/九層塔味，有多啲層次會好啲。🌕班蘭千層 $48大推❗️班蘭味超重❗️未食已經聞到陣陣班蘭味～加埋千層之間嘅cream，食落好似食緊椰汁西米糕咁！味道唔會太甜～一次過食三四件都絕對唔係問題😁😁！有無鍾意係椰汁西米糕嘅朋友呀？買黎做生日蛋糕🎂都唔錯😎。