Video
Read full review
2021-03-26
3468 views
【 香脆嫰滑的北京填鴨 】好耐無帶奶奶出街食晚飯了， 佢好鍾意食滬菜，所以我哋係尖沙咀古琴雅苑 book左枱，黎番晚「春日尋味，歡聚古琴」。餐廳位於尖沙咀太子集團中心15樓，用餐環境光猛，樓底高很寬敞，每張枱都隔得比較開，感覺上會好安心，座位也好舒適。佢哋仲有個大玻璃窗可以見到燒鴨的過程，仔仔望到入晒神呢！我地3個大人加1個小朋友叫左5款主菜+1款甜品，食得勁飽，小朋友仲難得地由頭食到尾，食得好滋味添呀！推介菜式：*北京填鴨古琴雅苑最出名的北京填鴨當然要試吓啦，店員會先上一小碟脆皮烤鴨，原來係喺烤鴨最脆的部份切落黎的，好香脆又充滿油脂，點白砂糖食超正，奶奶就鍾意佢地的蜂蜜黃梅醬，口感清新。北京填鴨果然名不虛傳，以傳統掛爐烤製，烤鴨片皮香脆，肉質非常嫰滑，油香滿溢，入口即化，勁滋味。師傅的刀功都好出色，每塊大小適中。我哋最鍾意用煙韌的餅皮包住青瓜，香蔥或哈密瓜等配料一齊食，除咗可以解油膩感，仲非常惹味呢！而且北京烤鴨的配料（青瓜、哈蜜瓜、京蔥）及醬料（京醬、蜂蜜黃梅醬）可免費添加架！*砂鍋雲吞雞奶白色的大白菜雞湯真係好鮮甜，忍唔住飲多兩碗，菜肉雲吞皮薄餡料十足，雞肉好嫩滑多汁。*意大利黑
好耐無帶奶奶出街食晚飯了， 佢好鍾意食滬菜，所以我哋係尖沙咀古琴雅苑 book左枱，黎番晚「春日尋味，歡聚古琴」。
餐廳位於尖沙咀太子集團中心15樓，用餐環境光猛，樓底高很寬敞，每張枱都隔得比較開，感覺上會好安心，座位也好舒適。佢哋仲有個大玻璃窗可以見到燒鴨的過程，仔仔望到入晒神呢！
我地3個大人加1個小朋友叫左5款主菜+1款甜品，食得勁飽，小朋友仲難得地由頭食到尾，食得好滋味添呀！
推介菜式：
*北京填鴨
古琴雅苑最出名的北京填鴨當然要試吓啦，
店員會先上一小碟脆皮烤鴨，原來係喺烤鴨最脆的部份切落黎的，好香脆又充滿油脂，點白砂糖食超正，奶奶就鍾意佢地的蜂蜜黃梅醬，口感清新。
北京填鴨果然名不虛傳，以傳統掛爐烤製，烤鴨片皮香脆，肉質非常嫰滑，油香滿溢，入口即化，勁滋味。師傅的刀功都好出色，每塊大小適中。
我哋最鍾意用煙韌的餅皮包住青瓜，香蔥或哈密瓜等配料一齊食，除咗可以解油膩感，仲非常惹味呢！而且北京烤鴨的配料（青瓜、哈蜜瓜、京蔥）及醬料（京醬、蜂蜜黃梅醬）可免費添加架！
56 views
1 likes
0 comments
55 views
0 likes
0 comments
*砂鍋雲吞雞
奶白色的大白菜雞湯真係好鮮甜，忍唔住飲多兩碗，菜肉雲吞皮薄餡料十足，雞肉好嫩滑多汁。
46 views
0 likes
0 comments
*意大利黑醋骨
呢碟的醬汁真係要讚一讚，味道酸甜令人好開胃，配白飯食真係一流！黑醋骨都整得唔錯，幾嫩滑。
24 views
0 likes
0 comments
*木桶包菜飯
炒飯炒得夠乾身，配埋金華火腿同菜食落好滋味。
33 views
0 likes
0 comments
*南翔小籠包
小籠包都係誠意推介之一，一籠有6粒，外皮夠薄，超級多汁，非常清爽鮮味。
22 views
0 likes
0 comments
*高力豆沙香蕉
一碟4個份量啱啱好，餡料有豆沙蓉和香蕉，香甜美味。
18 views
0 likes
0 comments
總括嚟講，今晚大人同小朋友都食到好滿足，享受到美食之餘，仲感受到親切的服務，下次要帶爸爸媽媽再黎食過。
Post
