Video
Read full review
2023-07-20
66 views
觀塘雖然係工業區，但有一條海傍長路，都有佢chill嘅一面，今次去呢間餐廳就展現到呢種風情～餐廳樓底好高，裝修好舒服，座位之間距離好足夠，店員都幾熱情同好態度。💡 燒大蝦三文魚籽龍蝦汁扁意粉 $158大蝦煮得好嫩，鮮甜有嚼口，上面仲有三文魚籽，一咬開就爆發出鹹香味，配上大蝦嘅彈牙口感，係雙重享受！龍蝦汁夠濃郁，質地比較味少湯，配扁意粉熱住食好惹味。溫馨提示，呢道菜上咗就盡快食喇～三文魚籽熱太耐會變硬就唔爆汁㗎啦～💡 10安士肉眼扒配忌廉薯蓉 $268肉眼扒煎得剛好5成熟，邊位係有炭燒嘅香味，肉質好嫩，內裏仲保持到夠juicy，有咬口但又唔會太硬。薯蓉好綿滑，忌廉提升咗香味同口感，質地剛好，唔係太濕。相對地薯蓉冇咁重，正正襯托咗扒嘅肉味。💡 黑松露薯條 $58薯條金黃酥脆，上面灑咗黑松露碎片，黑松露香氣令人垂涎三尺。薯條係原隻薯仔整，所以唔係食到成口粉，放耐咗都唔會變軟同出油。
💡 燒大蝦三文魚籽龍蝦汁扁意粉 $158
大蝦煮得好嫩，鮮甜有嚼口，上面仲有三文魚籽，一咬開就爆發出鹹香味，配上大蝦嘅彈牙口感，係雙重享受！龍蝦汁夠濃郁，質地比較味少湯，配扁意粉熱住食好惹味。溫馨提示，呢道菜上咗就盡快食喇～三文魚籽熱太耐會變硬就唔爆汁㗎啦～
💡 10安士肉眼扒配忌廉薯蓉 $268
肉眼扒煎得剛好5成熟，邊位係有炭燒嘅香味，肉質好嫩，內裏仲保持到夠juicy，有咬口但又唔會太硬。薯蓉好綿滑，忌廉提升咗香味同口感，質地剛好，唔係太濕。相對地薯蓉冇咁重，正正襯托咗扒嘅肉味。
💡 黑松露薯條 $58
薯條金黃酥脆，上面灑咗黑松露碎片，黑松露香氣令人垂涎三尺。薯條係原隻薯仔整，所以唔係食到成口粉，放耐咗都唔會變軟同出油。
Post
