Video
Read full review
2023-05-04
1810 views
【🫖潮汕風味高級煲仔飯】超喜歡吃中菜，今次去咗佐敦食Lunch想食熱辣辣嘅食物，就揀咗憶食尚，貪佢有份潮汕滋味，環境好舒服寧靜，啱傾偈，最後我哋都食得好開心，好滿意！地下層都Full晒，無Book位嘅我由店員安排上樓上，感覺更寜靜和私隱度更高，朋友好鍾意。🐟廣式臘味煲仔飯呢度煲仔飯係最最最出名，佢哋好落力推動煲仔飯文化，亦研發到即熱煲仔飯，可以做香港手信咁款，所以嚟到都一定要食。餸料有臘肉、臘腸、臘鴨，店員好細心地幫忙放上蔥花同豉油，亦與我們有傾有講，態度好親切。我哋怕飯焦太硬，所以邊食邊用鐵匙羹刮煲底，飯焦燶得嚟軟硬適中，我哋最後所有飯焦都食晒呀！有別於其他食煲仔飯嘅經驗，今次好難得。🐟鮮醃鯧魚呢味菜一上枱我更覺得有潮汕味，新鮮鯧魚以鹽生醃，再以薑蔥絲蒸熟，香味吸引，甚有兒時回憶，除非保留到鯧魚鮮味外肉質仲好滑，醃製後又增添不少淡淡咸香，配煲仔飯一流。🐟芥菜排骨煲話晒都係春末夏至嘅時候，行幾步嚟餐廳都出汗，呢個情況好適合飲芥菜排骨湯，甘甘地，仲有黃豆，有份消暑解渴感覺，又有份解煲仔飯熱氣嘅感覺。我同朋友都係祖藉潮汕，呢個湯有種「家鄉湯」嘅情懷，童年回憶返晒嚟，因為細個時屋企人會滾這個
超喜歡吃中菜，今次去咗佐敦食Lunch想食熱辣辣嘅食物，就揀咗憶食尚，貪佢有份潮汕滋味，環境好舒服寧靜，啱傾偈，最後我哋都食得好開心，好滿意！
地下層都Full晒，無Book位嘅我由店員安排上樓上，感覺更寜靜和私隱度更高，朋友好鍾意。
🐟廣式臘味煲仔飯
呢度煲仔飯係最最最出名，佢哋好落力推動煲仔飯文化，亦研發到即熱煲仔飯，可以做香港手信咁款，所以嚟到都一定要食。
餸料有臘肉、臘腸、臘鴨，店員好細心地幫忙放上蔥花同豉油，亦與我們有傾有講，態度好親切。
我哋怕飯焦太硬，所以邊食邊用鐵匙羹刮煲底，飯焦燶得嚟軟硬適中，我哋最後所有飯焦都食晒呀！有別於其他食煲仔飯嘅經驗，今次好難得。
🐟鮮醃鯧魚
呢味菜一上枱我更覺得有潮汕味，新鮮鯧魚以鹽生醃，再以薑蔥絲蒸熟，香味吸引，甚有兒時回憶，除非保留到鯧魚鮮味外肉質仲好滑，醃製後又增添不少淡淡咸香，配煲仔飯一流。
🐟芥菜排骨煲
話晒都係春末夏至嘅時候，行幾步嚟餐廳都出汗，呢個情況好適合飲芥菜排骨湯，甘甘地，仲有黃豆，有份消暑解渴感覺，又有份解煲仔飯熱氣嘅感覺。我同朋友都係祖藉潮汕，呢個湯有種「家鄉湯」嘅情懷，童年回憶返晒嚟，因為細個時屋企人會滾這個湯。
🐟玄米茶
有普洱、菊花、玄米，我哋揀咗玄米茶，清新自然幾好飲。
🐟地下會有產品供人客購買，即熱煲仔飯都好吸引。
Post
