餐廳睇落細細間，原來有兩層，都幾多座位 ～
佢地早兩日訂咗隻片皮鴨，店員攞咗隻未切嘅鴨俾我哋過目，好大隻！睇落都燒得好靚～
師傳用心切切切～
切咗出嚟有兩大碟，每一件都有肉，啱哂唔想淨係食皮嘅朋友仔
薄餅略嫌數量較少，不過就咁點甜醬食鴨都好食！
片皮鴨套餐包埋4隻小籠包 / 生煎包，同埋高力豆沙 / 豆沙鍋餅，我哋揀咗生煎包同豆沙鍋餅
朋友力推生煎包，個樣同平時食開嘅有d分別，不過都幾精緻，個底煎得唔錯
一咬落去就飛哂d汁出嚟，好juicy！
豆沙鍋餅，切開咗做細細件，方便入口，豆沙唔會太甜，唔錯～
我哋加咗$50做二食，可以揀時菜豆腐鴨件湯或者京葱爆鴨件
我地揀咗京葱爆鴨件，好大碟！
每件都啖啖肉、好香同好夠味！
雖然好好食，但係每人食兩三件都飽飽地，最後要打包留返聽日食！
今餐偏濃味，就飲返個清清地既粟米魚肚羹啦～
