原本唔多食蟹嘅我就變得為蟹瘋狂
聽朋友介紹喺銅鑼灣嘅香港珀麗酒店而家做緊個蟹buffet
真係開心到要即刻搵埋屋企人一齊嚟食
上網睇下原來早半個月會平啲嘅
只需要$288就可以食到蟹宴呀
不過我真係急不及待啦
所以貴少少唔緊要啦
用餐地方唔算好大
不過勝在坐得舒適、冷氣溫度適中
而且張枱都好大張，啱曬我哋食buffet嘅時候放到成枱面嘢都係嘢食呀！
一嚟唔使講我就食呢個雪場蟹腳啦
我見到隔離外籍嘅遊客食到幾左幾碟高嘅蟹腳殼
咁就知道呢個蟹個真係好抵食
除咗雪場蟹腳仲有麵包蟹同石蟹
蟹膏都幾多
而且會不停refill
咁梗係最開心啦
仲有每日都空運到港嘅藍青口大蝦同小龍蝦
淨係食呢個冷盤冰鎮海鮮都已經值回票價啦
此外餐廳職員見我地人多
係我攞完第一round蟹腳時
已經為我地安排左一盤刺身～
有北寄貝、三文魚、魷魚、希靈魚等等
款款都好新鮮
喜出望外！
自己種好推介呢個咖哩炒蟹
咖哩炒蟹係泰國菜裏面好出名嘅菜式
咖哩唔算太辣
但係濃郁嘅香氣入咗面入咗蟹之後就變得錦上添花
咖哩嘅香氣真係令人齒頰留香
而屋企人就大讚呢個燕窩蟹粥好好味
粥底鮮甜再加上蟹味特出
真係令人食完又想再食
熱盤仲有德國豬手香腸～
天婦羅
東南亞菜色都好出色
蒜蓉焗蠔
係幾正既～
不過可惜冇生蠔～
冬蔭公烏頭魚
味道幾好，魚肉新鮮
炒飯
甜品方面都有幾多選擇嘅
除咗各式各樣嘅蛋糕之外
仲有綠茶大福、芒果布甸、啫喱等
同樣同埋我最喜愛嘅葡撻
葡撻細細件唔算太甜
雖然屋企人唔建議我食因為要留quota食其他嘢
但係我都堅持要食
真係好好味
喺夜晚八點半嘅時候職員會搖鈴同將餐廳嘅燈光較暗
因為佢想大家嚟一齊睇 火焰雪山
個名聽就聽得多啦
但係真係未食過
火焰雪山係將蛋白打起
然後淋上橙酒再加火燒一燒
十分之靚
1
而呢個嘅火焰雪山裏面仲有朱古力雪糕做底
甜就甜左少少
不過同家人一齊分
不錯啊！
最後當然要食Movenpick啦！
