今日同朋友殺入旺角「80后串燒」，試咗十幾款串燒，兩個人食到捧住肚都係$400埋單，性價比超高！
鹽燒雞中翼
外皮燒得香脆，雞肉嫩滑多汁，鹽燒調味簡單但夠哂惹味！
燒雞軟骨
爽脆有嚼勁，灑上少少七味粉，送酒一流～
鹽燒雞皮
必點邪惡之選！燒到脆卜卜，油香爆棚，食一串已經忍不住encore！
燒牛胸粒10小串✨必食！
真心驚喜！牛胸粒油脂甘香，一啖一粒，燒得焦香又唔韌，超香口
燃燒厚切牛舌心
厚切口感超正！彈牙又多汁，燒烤醬汁濃郁，牛舌控必試～
燒羊肉串
羊肉羶香適中，肥瘦均勻，孜然粉加持下風味十足！
原塊魷魚
原塊上超有氣勢！魷魚鮮味彈牙，燒得剛剛好，唔會韌到咬唔開～
燒脆皮芝士腸
腸衣脆皮爆汁，入面有流心芝士，邪惡但快樂！
皇牌茄子
蒜蓉鋪滿！茄子肉軟綿綿，吸盡蒜香同醬汁，重口味必點！
燒四季豆
解膩之選！爽脆清甜，食完濃味嘢平衡返～
飲品試咗忌廉鮮奶同津路烏龍茶，清爽解渴，抵飲！
串燒即叫即燒，火候掌握得好，價錢親民，環境充滿街頭風味，適合同朋友吹水撸串！一定會再encore～仲有個好抵食嘅二人餐
1
📍80后串燒
地址：旺角砵蘭街109-113偉華商業大廈地下B號舖
