80后串燒

Open Now

Now Closed

今日出旺角行完街留意到呢間新開嘅港式串燒店，見唔係咁肚餓，就試一試佢嘅串燒。睇舖名＜80后串燒＞就feel到呢間串燒舖好有個性同活力，而佢嘅裝飾都好有滿滿嘅香港特色。串燒二人餐 （$238）鹽燒雞中翼 1串鹽燒厚切牛舌芯 1串燒豬頸肉 1串燒蜜糖腸 2串墨魚咀 1串燒白鱔 1串燒翠玉瓜 1串燒四季豆 1串飲品兩罐，揀左王老吉同可樂。雞中翼雞皮燒得香脆，咬落仲充滿肉汁，調味剛好，唔會過咸。厚切牛舌彈牙有爽脆口感，但同時亦滿有油脂感，表面燒得焦脆香口，配埋佢呢度自家辣粉，非常惹味。燒豬頸肉夠juicy，燒到邊邊位有啲香脆。燒蜜糖腸正常墨魚咀 1串幾易咬到，細細粒好易入口。燒白鱔魚皮燒到香脆，魚油爆滿整個口腔。燒豬仔脾 2隻燒豬仔脾燒完肉質唔會好乾，仲食到連埋少少脂肪嘅油脂感。燒薯仔片 2串個人推介嘅其中一款食物，經過燒烤嘅薯仔keep到表面香口但咬落濕潤，加左惹味辣粉令人食唔停口。燒饅頭 1串饅頭燒到表面酥脆，裡面keep到柔軟，配埋煉奶食一流。蜜糖司華力腸 原條司華力腸加埋甜甜蜜糖做燒烤，腸衣十分香脆，腸肉結實，口感豐富，層次分明。呢度啲串燒價錢真係幾平，食下串燒飲下其啤會係幾爽。

適逢母親節, 想帶媽媽食好西, 但同時又想支持下本地小店, 於是就揀左呢間串燒店試下, 而且堂食滿200仲有9折添架~燒新鮮即開生蠔即燒生蠔新鮮肥美, 咬落去無腥味/海水味, 一上菜吱吱聲熱辣辣, 再放上蒜粒&辣椒, 尤其惹味~鹽燒日本油甘魚鮫油甘魚鮫啖啖肉, 肉質新鮮, 外皮燒得挺香脆~記得要蘸自家製醬汁+檸檬, 更有提鮮作用!燒八吋大虎蝦超級大隻, 吃下去彈牙新鮮, 蝦頭帶點蝦膏味, 味道帶少少甘甜~燒雞全翼表皮燒得金黃香脆! 肉質非常juicy! 絕對串燒店必點菜式!燒韭菜串韭菜翠綠, 口感爽脆! 前面食得肉~當然要食返D蔬菜中和一下燒皇牌茄子茄子超大條, 再放上大量蒜粒蔥粒辣椒, 茄子鮮味更加突出!墨魚咀串墨魚咀彈牙爽脆, 平時串燒店都好少可以點呢款菜式, 個人都比較喜歡的~原塊魷魚串原條魷魚好大塊, 而且肉質亦很彈牙, 好新鮮超好味~醇滑嘉士伯（大支裝）食串燒點可以唔配返支冰涼啤酒飲下, 因為有D可能太辣既話, 可以飲返杯啤酒降下溫解下辣~~!!

今日和朋友決定來這裡吃串燒。鹽燒厚切牛舌芯串（$48）：厚切的方式讓牛舌芯保持了肉質的彈性和嚼勁。當它在口中咀嚼時，會釋放出牛肉的鮮美汁液，令人陶醉。鹽的使用恰到好處，既不掩蓋肉本身的味道，也能增添一些鹹香的層次感。在烤製的過程中，牛舌芯的油脂會慢慢融化，散發出誘人的香氣，讓人垂涎欲滴。錫紙娃娃菜（$48）：娃娃菜的脆嫩搭配蒜蓉的香氣，讓整道菜品味道更加豐富。蒜蓉在加熱過程中釋放出的香氣，與娃娃菜的清甜相得益彰，讓人食欲大開。燒五花肉（$28）：燒五花肉的外皮焦香酥脆，而內裡則是柔軟多汁，非常美味。燒菠蘿（$18）：燒菠蘿的甜度恰到好處，而菠蘿本身則保持多汁的口感，咬下去時給人一種脆嫩的享受。鹽燒雞中翼串（$22）：鹽燒雞中翼串的肉質嫩滑，脂肪含量適中，經過鹽燒的過程，能夠保持雞肉的鮮美，並且在外層形成一層香脆的表皮。燒鯖魚：燒鯖魚外皮烤得金黃酥脆，內部則保持鮮嫩多汁。其獨特的油脂使得每一口都充滿滿足感。燒厚切安格斯牛仔骨（$68）：安格斯牛肉以其極佳的肉質聞名，厚切的牛仔骨保留了更多的汁液，口感尤其嫩滑。每一口都能感受到肉的豐富風味，不會有過於乾柴的感覺。牛仔骨的油花分布均衡，油脂融

小店座位不算好多位，繁忙時間可能要等位。欣賞佢每枱都有一個爐，食得慢，或者同朋友吹水吹耐咗，啲食物涷咗，隨時可以整熱返。串燒一定要夠熱辣辣先好吃。燒年糕串煙韌好吃，外脆內軟燒杏鮑菇串多汁的菇，而且切得夠厚身燒韭菜串惹味好吃，冇乜韭菜渣，不會好老鹽燒南非鮑魚爽口彈牙，多蒜蓉粒鋪喺上面調味，清理好晒啲內臟，食得方便，一啖放入口印尼撈麵大吃的朋友串燒都食不飽，可以叫個撈麵～錫紙金針菇好大份，建議有兩個人以上先好叫。好多金菇，有上湯浸住，不會乾巴巴。燒皇牌茄子果然招牌菜。好多茄子肉，原條上係最好食，肉質軟嫩，撒上不同調味粉、秘製醬汁後，更惹味過癮。餐廳做緊優惠，例如：今次食咗$200，下次帶翻呢張單再光顧，可以減$20，即係9折！

⭐️燒雞中翼串燒最考功夫嘅往往係最簡單嘅食材！呢度嘅雞中翼絕對係必點，外皮燒到金黃脆口，裡面嘅肉汁瞬間爆發，肉質嫩滑得嚟唔會乾柴。鹽燒調味恰到好處，唔會過鹹，反而帶出雞肉嘅鮮甜。師傅嘅火候控制一流，骨頭邊嘅肉都燒到微微焦香，食到舔舔脷！ ⭐️鹽燒厚切牛舌芯串牛舌控注意！呢串厚切牛舌芯絕對係全場MVP！採用牛舌最軟嫩嘅中心部位，厚切處理令口感更加豐腴，咬落去彈牙得嚟帶微微嚼勁，完全唔會韌。鹽燒簡單調味已經足夠突出牛舌嘅濃郁肉香，表面微焦，內裡保持粉嫩，每一啖都係享受。 ⭐️燒豬頸肉串豬頸肉（松板肉）本身油脂分布均勻，燒過後嘅油香更加突出！呢度嘅豬頸肉串燒到外層微微焦脆，內裡保持juicy，咬落去爽口彈牙，帶少少蜜糖甜味同炭香，完全唔覺膩。怕肥嘅朋友可能會卻步，但試過一口就會明白點解咁多人推薦！ ⭐️燒蜜糖腸串——懷舊風味，甜香爆汁細個喺街邊食嘅蜜糖腸，呢度竟然可以升級到咁高質！腸衣燒到脆卜卜，裡面肉汁混合蜜糖嘅甜香，味道懷舊得嚟又夠精緻。蜜糖唔會過甜，反而同腸仔嘅鹹味平衡得剛剛好，絕對係童年回憶嘅完美復刻！ ⭐️燒墨魚咀串——鮮味彈牙，驚喜之選墨魚咀唔係度度有得食，呢度嘅墨魚咀燒得恰到好處

今日放工約咗朋友去喝啤酒吃串燒輕鬆一吓！ 近日有最新推介去旺角一間好味滿分的串燒店！80后串燒位於砵蘭街109-113號地舖。 油麻地站A出口下車行過來，都很方便！ 室內的裝修簡潔，好有日式居酒屋的感覺！ 牆上貼滿了打工仔的心聲，真是會心微笑！每枱設有一個烤爐和鐵架，方便擺放燒熟食物，十分貼心的！ 串燒種類很多，有牛、豬、羊、雞、海鮮、蔬菜等等和多款特色小食！🐮燒厚切安格斯牛仔骨牛的味道濃，安格斯牛的脂肪分佈均勻，燒烤後能釋放出濃郁的牛肉香氣，帶有天然的鮮甜味。 厚切牛仔骨的脂肪在高溫下融化，滲入肉質，帶來濃郁的油香，內裏能保持多汁嫩滑。 骨肉之間有咬口，十分有鮮甜味！🐮燒牛柳粒、 鹽燒厚切牛舌炭燒的牛柳粒外焦內嫩， 肉很優質，脂肪少但纖維細，內裡柔嫩多汁，非常好味！ 牛舌厚切好有口感，咬下去鮮甜美味又多汁！ 鹽燒更能突出牛舌的獨特風味，超正！🐷燒五花肉、燒豬頸肉五花肉簿切燒得很乾身，焦脆可口，油脂豐富，入口甘香！ 豬頸肉燒得很焦香，但有肉汁，鮮味有咬口！🐔燒雞全翼、鹽燒雞中翼燒烤的雞全翼很香脆但不會太乾，味道濃郁又很惹味！鹽燒的雞中翼係另一個味道，能吃出雞的鮮味，燒得焦脆美味！🦑燒

為食花太郎 Fafafoodblog 🍴串燒 二人餐鹽燒雞中翼🔥🐥燒雞鎚🐥雞鎚最正係雞骨側邊連筋既位 鹽燒厚切牛舌芯🐂厚切牛舌加d黑椒同鹽就好好味燒豬頸肉串🐖豬頸肉好夠豬肉味 口感彈牙 8寸大虎蝦🦐鮮冬菇 冬菇大件有d七味粉加埋juicy既菇都好味 翠肉瓜🌿 好爽口新鮮翠肉瓜Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#80后串燒旺角砵蘭街109 至113 號偉華商業中廈地下b鋪~~~~~~~~~

見到旺角新開串燒店，仲要有九折！聽講嚟緊下個月會變做現金券!日本芝士流心年糕呢道年糕外脆內滑，流心嘅芝士一咬就爆開，濃郁嘅香味令人回味無窮。燒菠蘿燒菠蘿甜得適中，再加上微微嘅焦香，令每一口都充滿咗多汁感，食完一片想再嚟一片，完全停唔落口。燒安格斯牛小排串牛小排肉質鮮嫩，特製醬汁令味道更加豐富，絕對係肉食愛好者嘅夢想，食完一串根本唔夠！鹽燒雞頸肉雞頸肉嘅嚼勁十足，鹽燒之後更能突顯肉嘅鮮味。燒雞軟骨雞軟骨外脆內嫩，咬下去時發出清脆嘅聲音。鹽燒厚切牛舌芯串厚切嘅牛舌芯滑嫩，鹽燒後保留咗肉嘅原汁原味，搭配微微嘅鹹香，真係食到停唔落口。燒八吋大虎蝦呢道大虎蝦絕對係海鮮控嘅最愛！肉質鮮甜，燒烤後嘅焦香味同蝦肉嘅甜美相得益彰，令人一口接一口。有手掌咁長！燒娃娃菜串清新嘅娃娃菜串經過炭火烘烤，保持咗爽脆同鮮甜，配合香料，味道更加多層次。燒雞腎串雞腎嘅口感獨特，燒烤後嘅鮮味突出，搭配醬油嘅香氣，。雞生蠔（雞脾肉）外脆內嫩，第一次聽到用生蠔嚟形容雞髀肉🤣飲品可樂同津路烏龍茶係完美嘅搭配，特別係烏龍茶清新嘅口感，可以平衡肉類嘅油膩

去旺角睇戲，開場前食啲野醫下肚仔先，經過砵蘭街見到有間新開嘅串燒店「80后串燒」，食滿200蚊仲有9折，嗌咗九款串燒加埋啤酒汽水人均都只係$200，好抵食😆每一張枱都會有一個串燒爐仔熱住啲串燒，就唔怕食食吓會凍咗👍🏻埋單嗰陣，店員同我地講留返張單每$100下次仲可以當$10洗，佢地開到凌晨4點，下次同朋友飲完酒可以過黎宵夜✌🏻燒雞全翼大大隻嘅雞全翼只係$20，皮脆肉嫩，雞翼尖嘅位置特別香口，用黎送啤酒一流🍺鹽燒厚切牛舌芯必點👍🏻牛舌芯爽口彈牙，一啲都唔韌，越嚼越有牛味，加上少許鹽做調味已經好好食豬頸肉豬頸肉燒到微微燶邊，焦香撲鼻，肉質爽口軟滑，油香四溢，重點係份量多價錢平，冇得輸😎蜜糖司華力腸司華力腸燒得外脆內軟，外面搽上蜜糖甜甜地，再加上少許孜然同辣粉，味道層次豐富，咬落去嘅時候外皮卜一聲爆開，啖啖肉，啱晒我呢啲食肉獸😆珍寶蟹柳條蟹柳足足有成隻碟咁長，店員會幫我地剪開放上串燒爐，一絲絲嘅蟹柳加上辣粉孜然夠晒入味韭菜平時我都唔食韭菜，串燒韭菜例外😂燒過後冇咗青草味，加上調味粉越嚼越有甜味杏鮑菇杏鮑菇一啖咬落去會爆汁，勁juicy虎皮尖椒一大條嘅尖椒燒至虎皮狀，充滿汁水，記得一定要加辣，

從名字就知道 餐廳係一個有個性嘅餐廳入到餐廳見到牆身佈置都覺得好有特色餐廳新張有優惠200蚊就有九折所以都幾抵食燒八吋大虎蝦蝦肉大大隻， 肉質爽口原塊魷魚串上枱前會幫我哋剪開所以就食得冇咁論盡孜然味唔會太過濃，食到魷魚的鮮味每次必叫燒茄子今次啲蒜蓉好似唔使錢咁勁多食得好過癮， 一絲一絲咁夾起啲茄子食燒雞髀菇+翠玉瓜雞髀菇有驚喜，食落好juicy 感覺唔似食緊菇翠玉瓜就燒得夠面層香口冇草青味主食我哋都唔想食飯，所以就叫餃子80後煎餃一共有十隻個底非常之脆最尾叫多個燒牛油方包片 脆得嚟煙煙韌韌又香口又好食

最近行街時，發現一間新開的串燒店，剛好有滿$200九折優惠，價錢唔貴，於是即刻入去試下。老闆好NICE，店內裝修得意，牆上掛滿搞笑標語，令人一進去就忍不住笑。🤣🌟 燒五花肉第一碟就令我驚喜，燒得香脆，口感好正！🤤🌟 鹽燒雞中翼雞皮燒到脆卜卜，外脆內嫩。🌟 鹽燒厚切牛舌芯我本身不太喜歡牛舌，但這裡的切得細細件，燒得剛剛好，口感唔錯。👍🏻🌟 燒杏鮑菇 🌟 燒翠玉瓜蔬菜切得厚厚的，好有咬口。🌟 燒皇牌茄子茄子係我最鍾意果款，唔會太淋，可以撕開來吃，辣度剛好。🌟 燒八吋大虎蝦大大隻嘅蝦，唔會燒到好乾身，爽口彈牙，真係唔錯。🌟 燒牛胸油第一次食牛胸油，真心好味😋，牛油味重，但食落又唔會感覺油膩，朋友唔鍾意太重牛油味，益左我食晒9串😍🌟 燒牛油方包最後點少得甜品，方包燒到外脆內軟，灑滿砂糖，香濃牛油味加焦香味，超級邪惡。😈

同朋友睇完戲 係附近搵食 見到呢間新開既串燒店 有折 而且俾個banner 吸引左就試下 見到有二人餐幾吸引 再問下店員有咩介紹 佢介紹左生蠔 、八吋大虎蝦 、油甘魚鮫生蠔成隻手掌咁大隻 而且好鮮甜店員話唔係日日有 食到好好彩 只係蒜頭 辣椒燒 已經好好味八吋大虎蝦 同對筷子一樣咁長蝦肉爽口彈牙 蝦頭仲有膏嫁 油甘魚鮫燒得岩岩好 魚皮仲好嫩滑 唔腥 魚皮香脆 雞全翼 雞皮燒到脆卜卜 雞肉食落中仲好嫩滑 韭菜 、虎皮尖椒 、杏鮑菇 蔬菜類都推薦 唔會燒到乾晒 食落仲好juicy 鍾意食辣既加埋辣粉就更惹味問左店員 原來消費滿$500 就可以送生日 banner 同朋友慶祝一流 早兩星期打去訂位就可以了 埋單個陣 店員話 我地食夠$300 仲可以送$30 下次用 真係抵上加抵呀

這裡的食材新鮮無比。每一串肉類和蔬菜都能感受到原材料的質量，特別是他們的羊肉串，肉質鮮嫩多汁，咬下去的瞬間，肉汁四溢，讓人忍不住想要再點一串。店內的調味醬非常獨特，經過精心調製，既不會掩蓋食材的原味，又能提升整體的風味。其次，烹調技術也讓我印象深刻。串燒的火候掌握得恰到好處，無論是炭火燒烤還是佐料的搭配，都讓食物達到了最佳狀態。每一串都烤得恰到好處，外焦內嫩，口感極佳。此外，這家店的環境也相當舒適，適合朋友聚會或家庭聚餐，服務人員態度熱情，讓人感到賓至如歸。總之，如果你也喜歡串燒，一定不要錯過這家店，保證你會愛上這裡的美味！