Video
Read full review
2023-12-19
12 views
尖沙咀好多大廈都有唔少餐廳，呢間喺網上見到，去到樓下都差啲行過咗棟大廈，但上到去裝修好日式，仲有Bar枱chill住食串燒。💡燒鱈魚乾 $48前菜燒鱈魚乾，烘熱後變得香脆，係日本常見嘅佐酒小食，可惜今晚冇飲返兩杯。正式食串燒前，店員會先俾7色調味粉，係一味粉、七味粉同山椒粉仲有四款鹽，係柚子、咖喱、抹茶同檸檬。💡燒雞尾 $38 & 燒雞上髀肉 $38 & 燒雞頸肉 $ 38雞尾竟然係成隻雞算脂肪多嘅地方，用雞皮包住，出面燒得脆，入面充滿油香。上髀肉最難係伏，啖啖肉，雞頸係我最愛，唔知有冇人同我一樣。。。變成串燒可以一口食晒有少少唔慣，但口感依然係緊實又有彈性，仲要好jucy！💡雞心 $38嚟得燒鳥店，唔食內臟就太浪費，因為內臟都幾難燒，太生當然唔得，但一過熟就又硬又實。今次雞心燒得剛好，仲有醫油調味，唔腥之餘，口感軟軟腍腍，係平時其他部位好少食到嘅質感。💡糯米雞肉棒 $48本身好鍾意糯米釀雞翼嘅我，見到調返轉由糯米包住月雞肉咁燒都幾有趣。糯米燒到少焦，似煲仔飯飯焦，入面免治雞肉，仲係好熱好多肉汁。💡水牛芝士煙肉卷 $48 & 福岡安納芋(日本蕃薯) $58煙肉包住半融化嘅水牛芝士，極邪
💡燒鱈魚乾 $48
前菜燒鱈魚乾，烘熱後變得香脆，係日本常見嘅佐酒小食，可惜今晚冇飲返兩杯。
正式食串燒前，店員會先俾7色調味粉，係一味粉、七味粉同山椒粉仲有四款鹽，係柚子、咖喱、抹茶同檸檬。
💡燒雞尾 $38 & 燒雞上髀肉 $38 & 燒雞頸肉 $ 38
雞尾竟然係成隻雞算脂肪多嘅地方，用雞皮包住，出面燒得脆，入面充滿油香。上髀肉最難係伏，啖啖肉，雞頸係我最愛，唔知有冇人同我一樣。。。變成串燒可以一口食晒有少少唔慣，但口感依然係緊實又有彈性，仲要好jucy！
💡雞心 $38
嚟得燒鳥店，唔食內臟就太浪費，因為內臟都幾難燒，太生當然唔得，但一過熟就又硬又實。今次雞心燒得剛好，仲有醫油調味，唔腥之餘，口感軟軟腍腍，係平時其他部位好少食到嘅質感。
💡糯米雞肉棒 $48
本身好鍾意糯米釀雞翼嘅我，見到調返轉由糯米包住月雞肉咁燒都幾有趣。糯米燒到少焦，似煲仔飯飯焦，入面免治雞肉，仲係好熱好多肉汁。
💡水牛芝士煙肉卷 $48 & 福岡安納芋(日本蕃薯) $58
煙肉包住半融化嘅水牛芝士，極邪惡！日本蕃薯好甜好甜，慢慢會蒸發水分，令到甜度更高。
💡燒秋葵 $38
秋葵凍食我真係唔得，但燒成串燒係唔錯，個滑潺潺嘅口感冇咁明顯，仲要多份香味，同埋對腸胃胃好好呀
💡醬油燒飯團 $38
醬油香味微焦嘅硬脆口感唔錯，特別提提大家唔好太心急，因為入面都真係幾熱下~
💡抹茶蕨餅 $38
茶味甜品去膩收結！
整體嚟講，價幾相對幾平，店內裝潢都有種日式感，如果衝住內臟嚟試，性價比都幾高呀～仲有唔少特色串燒，唔係淨肉串咁悶，見到清酒貼紙牆都知道，開返枝清酒都唔錯啦～
Post
