御老鍋台式火鍋 (Closed)

Item: 御老鍋台式火鍋
Rating: 0
Author: cowwww

4.5

140 Reviews

Taste

Decor

Service

Hygiene

Value

3333

Tsim Sha Tsui

$201-400

Taiwan Hot Pot

135

cowwww

Level4

140

之前有一間台式火鍋店大家都話好難book，如果唔想等，不如試吓呢間新開張嘅高質台式火鍋啦～質素絕對同果間不相伯仲！餐廳位於君怡酒店內，裝潢充滿台灣味道，仲用天燈寫咗啲祝福詞。今次我哋2個人食就叫咗店鋪力推嘅御八品，飽肚有餘，食材優質，而且仲好打卡able添🥰✨✍🏻 /寧神靜心鍋拼老鍋秘製麻辣鍋▪️價錢：HKD268▪️美味指數：♥♥♥♥♥店內共有8款湯底揀，而雙拼湯底只需以價格高為準，咁就可以試齊2款湯底，一定要雙拼啊！今次叫咗一個麻辣鍋，一個健康鍋，平衡吓罪惡感（笑），結果2款湯底都十分出色。「寧神靜心鍋」已經唔係湯底咁簡單，而係可以飲得嘅養生湯品，配以川弓、天麻、白芷等多款名貴藥材及鮮魚熬製而成。等個鍋滾起後，店員會叫客人飲咗啲湯先，湯飲落好補好足料，仲可以撈起啲烏雞同一大半魚頭食，魚頭超大一半，仲保留咗魚頭上滑溜溜嘅面頰肉。飲完湯後就可以叫店員加湯打邊爐，可以畀火鍋食材吸盡湯底鮮味，推薦🐟✨打邊爐點少得一個惹味麻辣鍋？「老鍋秘製麻辣鍋」配以多種香料同藥材，仲加入咗台灣直送鴨血及凍豆腐，意想不到嘅係配埋寬粉添啊～真係淨食呢個鍋都可以醫飽個肚🤭✨✍🏻 /手切騸牯牛頸脊▪️價錢：HKD468

Read full review

0 views

0 likes

0 comments

「寧神靜心鍋」已經唔係湯底咁簡單，而係可以飲得嘅養生湯品，配以川弓、天麻、白芷等多款名貴藥材及鮮魚熬製而成。等個鍋滾起後，店員會叫客人飲咗啲湯先，湯飲落好補好足料，仲可以撈起啲烏雞同一大半魚頭食，魚頭超大一半，仲保留咗魚頭上滑溜溜嘅面頰肉。飲完湯後就可以叫店員加湯打邊爐，可以畀火鍋食材吸盡湯底鮮味，推薦🐟✨

打邊爐點少得一個惹味麻辣鍋？「老鍋秘製麻辣鍋」配以多種香料同藥材，仲加入咗台灣直送鴨血及凍豆腐，意想不到嘅係配埋寬粉添啊～真係淨食呢個鍋都可以醫飽個肚🤭✨

✍🏻 /手切騸牯牛頸脊
▪️價錢：HKD468 / 小份
▪️美味指數：♥♥♥♥♥
最近努力戒牛，但打邊爐真係會忍唔住想食。第一次聽到騸牯牛個名，而且仲要唔識讀（笑），上網查咗吓，原來騸牯牛即係喺1歲左右就畀人閹咗嘅公牛，激素少啲，脂肪分佈平均啲，香港每日大概只有10至15隻係騸牯牛咋！餐廳將騸牯牛頸脊手切成厚度適中嘅薄片，食落口感嫩滑，真係值得一試。而且有大小份供選擇，小份都絕對唔小，2至3人食用都足夠☺️✨

✍🏻 /野生大竹笙
▪️價錢：HKD88 / 半份
▪️美味指數：♥♥♥♥♥
半份有4條巨型竹笙，每條都長過我手掌，真係未見過咁長、咁完整嘅竹笙！平時去米線店鋪都好鐘意叫竹笙，但每次都係1小條，今次4大條真係過足口癮。建議放落「寧神靜心鍋」滾，吸曬湯汁嘅大竹笙真係好掂🤤✨

5 views

0 likes

0 comments

✍🏻 /八燈報喜
▪️價錢：HKD118
▪️美味指數：♥♥♥♥♥
超靚嘅旋轉韆鞦，原來打個邊爐都可以咁打卡able！共有8粒丸，4種口味，包括黑松露蝦丸、燒鵝肝蝦丸、海膽墨魚丸及黑椒牛中牛肉丸。最好味就係黑松露蝦丸，黑松露味濃，蝦丸爽口彈牙。其次就係海膽墨魚丸，近皮層位置會見到啲一舊舊黃色嘅海膽，好正呢🎡✨

✍🏻 /酒香白肉
▪️價錢：HKD88
▪️美味指數：♥♥♥♥♡
呢份姐係秘製豬腩片，切曬薄片，肥瘦均勻🐖✨

✍🏻 /自家鮮做韭菜餃
▪️價錢：HKD48 / 半份
▪️美味指數：♥♥♥♥♡
共有4隻韭菜餃，餃子皮薄，韭菜餡好香🥟✨

✍🏻 /水耕BB油麥菜苗
▪️價錢：HKD68
▪️美味指數：♥♥♥♥♡
啲菜好新鮮，打邊爐最後一定要食返幾條菜🥬✨

✍🏻 /滑溜溜麻辣鴨血
▪️價錢：HKD68
▪️美味指數：♥♥♥♥♥
呢款係小食，趁個鍋未滾起可以食吓～一份有其4大塊鴨血，個名真係冇改錯，每舊都滑溜溜，食用時記得慢慢食，小心濁親（因為同行友人就係咁⋯）😋✨