Video
Read full review
2021-03-27
236 views
懷舊場景餐廳去得多，造得比較逼真嘅場景就比較少見，好似進入左時光隧道咁。呢間充滿港式風味大排檔，環境乾淨衛生，現場仲播放經典歌曲，氣氛超好，仲有賣少見少嘅霓虹燈，酒樓龍鳳婚大禮堂，街市魚檔，懷舊鐵閘同埋上海髮型屋等場景，令我諗起80年代最嚮往嘅時光。呢度嘅侍應制服好港式，充滿香港精神，做嘢熱情又快又爽手食物更加係水準之上。全部菜式份量都好多後面仲有屏風相隔住，感覺美觀，而且疫情之下安全衛生好有港式味道的感覺屋邨三鮮生腸丶墨魚丶鴨腎三合一嘅拼盤，同旺角一間排隊當紅嘅小食店口味一樣，點埋甜醬同芥茉醬，食落十分開胃爽口。砂煲蠟味豬油撈飯上台後店員會比你自己落豉油，然後焗3分鐘就食得，打開煲蓋，臘腸油香滲入粒粒飯粒入面，與豬油完美融合，見到臘腸臘肉份量都幾多，攪勻啲飯之後都會聞到陣陣油脂香，整體個飯好香而且食落感覺唔油🥰瑤柱招牌走地雞 （半隻），面頭放滿左瑤柱同蒜蓉，走地雞非常嫩滑，仲有兩隻醬可以選擇，一個係蔥油，一個係泰式酸辣。另外走地雞份量好多，兩個人都食唔晒。金蒜銀絲蒸大元貝粉絲吸滿咗蒜蓉嘅香味同埋元貝嘅鮮味，兩隻元貝都好大隻，蒸得啱啱好，十分鮮甜彈牙。XO 醬海鮮小炒皇呢碟菜份量好多，
懷舊場景餐廳去得多，造得比較逼真嘅場景就比較少見，好似進入左時光隧道咁。
呢間充滿港式風味大排檔，環境乾淨衛生，現場仲播放經典歌曲，氣氛超好，仲有賣少見少嘅霓虹燈，酒樓龍鳳婚大禮堂，街市魚檔，懷舊鐵閘同埋上海髮型屋等場景，令我諗起80年代最嚮往嘅時光。呢度嘅侍應制服好港式，充滿香港精神，做嘢熱情又快又爽手食物更加係水準之上。
全部菜式份量都好多
後面仲有屏風相隔住，感覺美觀，而且疫情之下安全衛生
好有港式味道的感覺
屋邨三鮮
生腸丶墨魚丶鴨腎三合一嘅拼盤，同旺角一間排隊當紅嘅小食店口味一樣，點埋甜醬同芥茉醬，食落十分開胃爽口。
砂煲蠟味豬油撈飯
上台後店員會比你自己落豉油，然後焗3分鐘就食得，打開煲蓋，臘腸油香滲入粒粒飯粒入面，與豬油完美融合，見到臘腸臘肉份量都幾多，攪勻啲飯之後都會聞到陣陣油脂香，整體個飯好香而且食落感覺唔油🥰
瑤柱招牌走地雞 （半隻），面頭放滿左瑤柱同蒜蓉，走地雞非常嫩滑，仲有兩隻醬可以選擇，一個係蔥油，一個係泰式酸辣。另外走地雞份量好多，兩個人都食唔晒。
金蒜銀絲蒸大元貝
粉絲吸滿咗蒜蓉嘅香味同埋元貝嘅鮮味，兩隻元貝都好大隻，蒸得啱啱好，十分鮮甜彈牙。
XO 醬海鮮小炒皇
呢碟菜份量好多，材料有韭菜丶蝦丶蝦乾丶魷魚丶腰果等，整碟小炒王都炒得香口惹味，而且夠獲氣，蝦肉大大隻，口感彈牙，成碟小炒送飯一流。
小炒皇份量都幾多
Post
