Video
Read full review
2022-05-20
82 views
見粉嶺新開左間燒肉店真係好期待，因為平時要食燒肉點都要搭車出去，而加喺左近就有間，地點好方便。打算打電話去預約，但話只接受walk in，都有少少唔方便。琴日終於去到試食，見半場都係吉位，咁就諗住等埋個fd先一齊入去，點知入到去佢話無位??叫我地拎飛…就咁趕返我地出門口，拎左張001的飛，白企成5分鐘仲要勁黑臉咁叫我地入去，再好大聲喝我地掃安心出行 (但朋友已經係拎緊部電話出嚟準備掃…)我地一行5人，佢地d枱係超迫超難坐，坐中間位嘅朋友係要夾住燒烤爐d管咁坐。枱邊係見到燒烤喉管同釘都外露，好危險。同埋放五個餐係完全無位，因為佢個爐邊係頂住哂，要摺住放先勉強擺到個盤。野食嚟講真係好一般，我叫咗美國燒肉盛盒套餐，個樣有少少似佳寶肥牛。我地有兩個爐，我嗰邊係完全燒唔到野，放左塊牛肉落去係五分鐘都仲係紅色，叫店員幫手，係黑臉加唔出聲，就咁開大個火，想講一開之後都係得爐邊有少少火，肉燒到滴油落去時，個爐係爆火，係真係成條火柱，身手快先無比佢燒到，隔離枱都叫左出聲，當時係有店員望住，但佢係選擇視而不見(??)，佢個抽氣管都完全唔work。咁我地唯有請店員過嚟睇睇啦，發現佢地鋪全部同事都係好黑臉，過
野食嚟講真係好一般，我叫咗美國燒肉盛盒套餐，個樣有少少似佳寶肥牛。我地有兩個爐，我嗰邊係完全燒唔到野，放左塊牛肉落去係五分鐘都仲係紅色，叫店員幫手，係黑臉加唔出聲，就咁開大個火，想講一開之後都係得爐邊有少少火，肉燒到滴油落去時，個爐係爆火，係真係成條火柱，身手快先無比佢燒到，隔離枱都叫左出聲，當時係有店員望住，但佢係選擇視而不見(??)，佢個抽氣管都完全唔work。咁我地唯有請店員過嚟睇睇啦，發現佢地鋪全部同事都係好黑臉，過到嚟就咁熄細個火，咁咪又係燒唔到… 仲要限時食一個半鐘，燒左半個鐘我一舊肉都未燒到。咁多吉位完全可以幫我地調枱或者至少你望一望個爐係咩事都好，見住咁危險都無去檢查下，好失望。
味道就真係好一般，體驗真係好差。最後埋完單先發現佢收多左我地一罐可樂$，仲要質疑我地係咪order左，真係唔想再多留，就咁退返$10比我地算啦，點知佢要我地企喺度又等左成5分鐘，重新void單又碌過卡，真係試業中也太差了吧！打算街坊生意支持下，今次經歷真係好令人勸退，服務完全係零，野食好普通，坐位設計同埋燒烤爐都好唔掂，一定唔會再幫襯！
btw出到門口睇返個叫飛仲係001，根本無人等位
Post