Video
Read full review
2022-12-05
83 views
今日介紹嘅餐廳為無限時放題，比起平日限時限刻嘅放題店更加抵食。餐廳提供兩款任食套餐，其中的分野位在於其海鮮。餐廳座位寬闊設計簡約，但由於無限時關係，餐廳晚上爆場，如果大家想食的話，記得要book枱，同時亦會送時令燉湯。🌟 豪食套餐$358 （平日） 豪食套餐分左4 round，食完可以再encore，之後再落下一round，不過就唔可以再返轉頭再食，所以大家要控制自己食量，食得滿足之餘，又要留返個肚。餐廳提供田園自助吧及飲品bar選擇。🌟 餐前小食餐前小食與燉湯同時奉上，燉湯夠火喉，適合冬天滋補，入面亦有蟲草花。小食方面可以選擇炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳。甜蕃薯條以原條番薯炸，食落脆口，推薦大家試下。🌟前菜五點剌身盛為一次性，包括有三文魚、赤背、甜蝦、帶子同埋油甘魚，雖然係放題不過質素唔差。🌟頭盤呢一輪為二揀一為食酸菜魚(一次性)或任食寵寵雞煲。一般餐廳食雞煲或者酸菜魚已經要二三百，黎到呢round 已經值回票價。寵寵雞煲需要每兩分鐘翻炒1 次，共四次，第三次嘅時候加埋豬皮同埋魷魚。雞煲食落入味，肉質亦都好滑嫩，基本上雞煲兩人份已經食唔哂，所以不用再
今日介紹嘅餐廳為無限時放題，比起平日限時限刻嘅放題店更加抵食。餐廳提供兩款任食套餐，其中的分野位在於其海鮮。餐廳座位寬闊設計簡約，但由於無限時關係，餐廳晚上爆場，如果大家想食的話，記得要book枱，同時亦會送時令燉湯。
🌟 豪食套餐$358 （平日）
豪食套餐分左4 round，食完可以再encore，之後再落下一round，不過就唔可以再返轉頭再食，所以大家要控制自己食量，食得滿足之餘，又要留返個肚。餐廳提供田園自助吧及飲品bar選擇。
🌟 餐前小食
餐前小食與燉湯同時奉上，燉湯夠火喉，適合冬天滋補，入面亦有蟲草花。
小食方面可以選擇炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳。甜蕃薯條以原條番薯炸，食落脆口，推薦大家試下。
🌟前菜
五點剌身盛為一次性，包括有三文魚、赤背、甜蝦、帶子同埋油甘魚，雖然係放題不過質素唔差。
🌟頭盤
呢一輪為二揀一為食酸菜魚(一次性)或任食寵寵雞煲。一般餐廳食雞煲或者酸菜魚已經要二三百，黎到呢round 已經值回票價。寵寵雞煲需要每兩分鐘翻炒1 次，共四次，第三次嘅時候加埋豬皮同埋魷魚。雞煲食落入味，肉質亦都好滑嫩，基本上雞煲兩人份已經食唔哂，所以不用再encore。
🌟火鍋盛宴
湯底方面有四款選擇包括櫻桃鮮茄薯仔、黃金皮蛋芫茜、高湯牛尾、麻辣鍋，如果想轉鴛鴦鍋+$30。
🌟豪食海鮮拼盤 是日6-8款（一次性)
海鮮拼盤包括蟶子、鮑魚、元貝、BB象拔蚌、龍躉片、脆肉鯇、蠔、蜆、鮮蝦、白鱔片，不過個日另外一位朋友海鮮敏感，所以我地就淨係上左一份。
🌟豪食牛肉拼盤（8款）
牛肉拼盤潮汕五花趾、吊龍伴、手切牛頸脊、熊本雪花一口牛、美國SRF和牛三角肉、美國SRF和牛板腱肉、澳洲M5和牛肩胛肉、澳洲封門柳。不過牛肉拼盤大多嘅牛都係一次性，食完就無得encore。
🌟 任食火鍋配料
最後係任食火鍋配料食完以上幾round 其實已經飽飽地，可以選擇牛胸腹肉、紐西蘭羊卷肉、鹿兒島茶美豚，手打黑/白滑亦為特色之一，丸類方面亦有不同口味。
📌 為食火鍋公司 (觀塘)
觀塘創業街15號萬泰利廣場地下C號舖
🚇港鐵牛頭角站 b6出口, 步行約4分鐘
📍#觀塘
Post
