The Hunt Coffee & Roastery

Open Now

Now Closed

一直都聽講呢間係好嘢，阿姐話唔錯，今次有機會食啦。12點半黎到都近乎full house，店員安排咗我地坐係’bar’枱，仲正！我嘅左手邊就已經係咖啡機，每次店員一沖咖啡，個種香氣真係令人好舒服。前面係佢地炒豆機，咁樣係絕對睇得出店主對精品咖啡嘅要求。前面放左一set啡具，係客人點咖啡後，可以倒啲粉落去俾客人先聞。Set lunch無咩啱，一下就先睇中個hunter breakfast，飲品要用正價。除咗咖啡，都有茶同其他可以揀。到我嘅all day啦，沙律新鮮之餘，佢嘅汁係酸酸甜甜，唔係醋，再令啲菜更鮮。蕃茄係醃過，幾特別。麵包係脆口，已經放左一陣子，仍然keep到。炒蛋算滑，菠蘿燒過，整體都係新鮮同啱口味。呢個係三文魚，三文魚油剛剛好，而且係好大塊，好食。絕對可以坐係度耐啲，有機會過黎試下咖啡。