Nutmad (Moved) New Location

好耐無黎食，帶飯多嘅我，唔帶嘅時候會搵啲新餐廳試。上年nutmad開嗰陣黎得多，之後太耐無黎，咁啱同朋友中間點，一早book定位啦（記得，真係要早啲book位）。上到黎好自然會搵嘢影，好吸引，不過由於人太多，有mood都影唔到。雖然款式唔多，不過都大致有大家想食嘅。Menu嘅畫都幾靚，我都想畫到咁，努力學下先。先上南瓜湯，好綿，唔會過甜，清新一下。推介第一次上黎嘅朋友點呢個，煙燻豬豬卡邦尼意粉，$98，朋友話好食，我都忍唔住偷食一啖。脆口嘅肉加意粉，幾有風味㗎。點咗餐牌上比較生面口嘅，慢煮雞胸香草醬貓耳朵麵，$110。貓耳朵麵顧名思義似貓耳仔，接起係有啲似，口感小小咬口，配上入味嘅香草醬，幾正。雞胸煎得好香口，可能係慢煮關係，外面有小小脆，入口唔會覺得鞋，而且好有味同juicy。最後來一杯white coffee，呢餐lunch好滿足。雖然環境係有啲嘈，唔係好傾到計。