瀛豐放題料理專門店

【灣仔區】【瀛豐放題料理專門店】香港超級聯賽最後一週踢完，為咗慶祝順利完成賽事，就同道歉哥去咗銅鑼灣食一間網上好多人講嘅港日泰放題。只係 $259 就食到「平日晚市放題」，任食港日泰 180 款美食，估唔到銅鑼灣都有呢個價錢嘅任飲任食放題喎。入到去覺得環境舒服企理，原來搬舖冇耐，所有嘢都好新淨，就加 $138 試埋個「升級任食」，有「日本兵庫縣生蠔」同「海膽帶子」任食，「Stella Artois」同「Asahi」生啤任飲，呢幾樣嘢都幾高質，估唔到喺放題餐廳食到喎。入到戲肉「刺身拼盤」，珍寶赤蝦、三文魚、油甘魚、希靈魚、八爪魚、冰山蚌、馬刀貝、北海道角螺、赤貝、醬油吞拿魚刺身、白玉貝都各有特色，新鮮得嚟切得好厚，連本身唔太中意食放題嘅道歉哥都話啲刺身係好得。之後食其他嘢，特別欣賞啲卷物同「鹽燒雞腎串」，仲有碟「辣椒膏炒蜆」係即炒，好食。幾款泰式串燒都有驚喜，「泰式燒元貝」同「燒秋刀魚」都留下幾好嘅印象。嘢飲都多選擇，不過我主力飲馬來西亞嘅三層奶茶，正。甜品方面，佢哋有馬卡龍、提拉米蘇等等，仲有韓國雪條、可可貝妮雪糕可以揀。不過其實有埋泰式嘢食，都食到飽晒，甜品都試唔得多，哈哈。總括而言