Video
Read full review
2024-01-24
68 views
【油尖旺區】【金飯館貳·零 肉餅·焗飯專門店】睇呢間嘢個名就知佢哋係對米飯充滿熱誠嘅餐廳，之前家兄推薦過我食佢哋嘅牛頭角店，亦都喺 1am0818 已經寫咗，當時我係食咗三次先寫，大家就知有幾好食。而呢次都係食三個主食，但我係同春哥、域哥一齊去試嘅。首先試 $42 嘅「X 記瑞士雞翼」，估唔到幾濃味，而且濃而不膩，個汁校得幾好。我推薦域哥食蘭王蛋配炒飯，佢就試 $78 嘅「蔥油香煎雞扒蘭王蛋配炒飯」，其實我哋都有一齊食，佢哋嘅炒飯粒粒分明，蔥油又香，好好食。跟住試 $78 嘅「蜜桃鮮茄焗豬扒飯」，真係冇諗過佢哋嘅焗飯都咁正，用返佢哋嘅炒飯做個炒底，配合埋個勁香茄味嘅汁，豬扒肥瘦分明，掂。跟住試 $62 嘅「黑松露墨魚肉餅飯」，佢哋白飯都好好食，肉餅夠香，成件事好得。嘢飲佢哋隻杯寫住金茶館，佢哋飲 $22 嘅「鐵觀音珍奶」同 $26 嘅「泰式奶茶」，不約而同都話好飲。我就飲 $26 嘅「椰芒奶茶」，嘩，正到搵返廿年前許留山嘅感覺，原來有位台灣女仔喺度整，難怪。夾埋 $292，非常特別嘅一餐。。。（地址：旺角廣華街38號地舖）
首先試 $42 嘅「X 記瑞士雞翼」，估唔到幾濃味，而且濃而不膩，個汁校得幾好。我推薦域哥食蘭王蛋配炒飯，佢就試 $78 嘅「蔥油香煎雞扒蘭王蛋配炒飯」，其實我哋都有一齊食，佢哋嘅炒飯粒粒分明，蔥油又香，好好食。
跟住試 $78 嘅「蜜桃鮮茄焗豬扒飯」，真係冇諗過佢哋嘅焗飯都咁正，用返佢哋嘅炒飯做個炒底，配合埋個勁香茄味嘅汁，豬扒肥瘦分明，掂。跟住試 $62 嘅「黑松露墨魚肉餅飯」，佢哋白飯都好好食，肉餅夠香，成件事好得。
嘢飲佢哋隻杯寫住金茶館，佢哋飲 $22 嘅「鐵觀音珍奶」同 $26 嘅「泰式奶茶」，不約而同都話好飲。我就飲 $26 嘅「椰芒奶茶」，嘩，正到搵返廿年前許留山嘅感覺，原來有位台灣女仔喺度整，難怪。夾埋 $292，非常特別嘅一餐。。。
（地址：旺角廣華街38號地舖）
Post
