金飯館貳·零 肉餅·焗飯專門店

Open Now

Now Closed

去到位於旺角的金飯館，以店舖限定肉餅做招牌菜，咁就緊係要試試肉餅飯啦。叫左蓮藕梅香咸魚肉餅飯、蝦頭油炒飯和沙嗲汁燒賣（店舖旁的小賣部）以肉餅為打主，咁就講講蓮藕梅香咸魚肉餅飯先，肉餅厚身外脆，口感不錯。肉餅咸魚的香氣突出，蓮藕清脆。然而，這道菜的白飯底卻讓我有些失望。麻麻地～下次唔會再叫☹️至於蝦頭油炒飯，炒飯的顆粒分明，蝦頭的油香滲透整個飯粒，十分好食。特別是那股鑊氣，真每一口都令人感受到廚師在火候控制上的精準。這道炒飯可以係我每次去金飯館必食的一碟。沙嗲汁燒賣的燒賣正常，但沙嗲汁的調味略顯偏鹹，可圈可點。

此店近期網絡曝光率高，同一派系頻頻開店，加上再搵返食評內容傾向正面，因此特登慕名而來一試。 時間係星期日中午時段12:15，由等位至入座需時半個鐘頭。不幸地被安排坐於中間圓枱，基本上係椅背貼椅背， 可動空間極度狹窄！全程同樣都係qr code落單+自己睇menu，同店員間無需互動。餐牌上並無茶餐廳必備飲品，全是罐裝樽裝貨色，有點失望。點選了 蝦頭油炒飯 及 鮮茄蜜桃焗豬扒飯，並無點飲品。蝦頭油炒飯 - 蝦仁、櫻花蝦、蠔仔等配料非常足夠， 炒飯調味做到有蝦香效果，細心品嚐會發現以上所有食材，都只係被安排落同一碟上，它們互相並無任何連繫的元素，甚至乎有冇一齊被落鑊炒都成一個疑問。足料+能夠打咭確係此產品的一大賣點，而令到配料都有被炒香嘅感覺，相信此產品會長賣長有。鮮茄蜜桃焗豬扒飯 - 鮮茄份量足，蜜桃在產品上並無法發揮任何影響力，只係獨立三片多出嚟嘅食材。 炒飯底濕糯唔香口，冇得另用碟起飯令到個飯死得更快。 有驚喜嘅係塊豬扒，先用脆漿炸完再焗仍然有脆口感覺，美中不足係切得太大件，食起上嚟好論盡。場地雖小亦維持爆場，但廣東話嘅聲音並唔多，櫃檯側邊見到店家貼住人民幣兌港元一對一結算，可知此店廣

慕名而家食個個龍躉飯再加成$15要隻燶邊蘭王蛋，個龍躉飯算唔差！有蒽香龍躉肉夠厚同煎得夠香，但飯完全沒味！最失敗係加$15 蘭王蛋！成隻一上枱即食己經凍冰冰，擺明煎完放左最小10分鐘以上！叫佢換過一隻，等成20分鐘都未黎追佢先上枱，點知同第一隻一樣完全凍冰冰，都廢事再同佢講，中一次伏沒下次，永遠唔再幫襯佢，香港飲食業就係比呢d質數攪死晒！仲要排成20分鐘先有位入得去d位仲逼過劏房。以為有幾好食

叫左個下午茶餐跟餐送罐裝飲品 我揀咗可樂侍應先提出可樂唔夠凍 叫我換其他飲品 又話可以加錢換支裝可樂我同意 佢都開埋蓋擺咗係枱俾我1分鐘後行埋嚟話 你係咪跟餐 跟餐唔可以轉 收番埋支可樂 佢寧願將開左蓋既可樂收番埋 都唔俾我加錢買 換番個罐裝雪碧 罐雪碧都係唔夠凍！明明係餐廳問題 我都願意加錢換 最後又話唔轉得彈出彈入 我已經坐係門口位 冷氣都吹走哂 食到出哂汗 飲支唔凍既汽水 真係食到成肚氣 沒有下次！有時真係香港人都幫唔落香港餐廳 抵香港飲食業沒落

今天 8月2號下午大約兩點半到達餐廳， 點了龍躉炒飯， 但等了差不多45分鐘炒飯在上枱， 45分鐘完全是超出一般餐廳的可接受的等餐標準。大約在等了30多分鐘我開始催單及提出取消， 但服務員只說準備食物需時。炒飯終於送上， 但龍躉咸到難以入口， 我跟服務員講， 但他們完全沒有打算試試龍躉的味道，只跟你講跟廚房反映， 完全是敷衍了事。我再三跟他們講真的極咸， 一般餐廳做法是服務員會試試味。 如果真是確定很鹹，他會叫廚房再做一碟給客人，他們只是重複再說叫廚房留意一下， 逃避責任。因為等了40多分鐘，我真的沒有時間要求他們認真一點去處理。好明顯他們沒有把客人放在一個比較重要的位置， 只想快D收錢， 亦知你唔會再黎， 但他們百分之百不放在心上。離開餐廳時只有憤怒及失望。

一直上網睇餐單都覺得吸引 所以去完動漫節去試一試直接結論：野食係好食 但夏天34度唔開冷氣真係痴線 d位坐得唔舒服 盞燈射到你眼殘又熱 上菜果刻終於明點解d燈咁19 因為野食真係會好睇啲最後最痴線係無冷氣 一邊食一邊出汗 坐低左半個鐘 最少有3pair客坐低熱到無叫野食走左同場另一台阿叔大叫冷氣唔凍 但職員都無表示最後埋單食完條街竟然可以涼過喺舖頭入邊

餐廳冷氣不足，環境悶熱，汽水不夠凍，令人失望。點了一份炒飯，等足半小時，服務效率低，當時餐廳仲未爆滿，未能滿足期待。整體體驗欠佳，難以令人回頭。希望餐廳改善冷氣、加快服務速度，讓顧客有更好的用餐體驗。

之前係social media見到好多人推介依間店嘅串串, 話係旺角必試小食.今次我就嚟依度試下係咪真係咁好食啦!我星期日大約下午5:00pm嚟到.冇乜人排隊.我哋今次叫咗一串金龍燒賣同埋一份沙嗲五寶.金龍燒賣 (HK$12/5粒)第一口試燒賣, 期待有驚喜.可惜有啲失望.個沙嗲汁係好食嘅.但燒賣口感偏腍, 冇嗰種彈牙嘅咬感.我覺得燒賣配豉油同辣油會好食啲.沙嗲五寶(HK$50)五寶有蘿蔔、豬皮、魚蛋、魷魚同埋牛柏葉.魚蛋有陳皮味, 配埋呢個沙嗲汁都幾好食.豬皮、魷魚、牛柏葉吸晒啲沙嗲汁, 正!蘿蔔冇渣, 都幾好食嘅.整體嚟講, 串串味道正常, 經過附近都不妨一試.但係特登過嚟買, 我就覺得唔係好值得喇.

**焗豬扒飯 (炒底)：**絕對是**澱粉愛好者恩物**！炒底飯粒分明，乾爽有鑊氣，作為基底已夠吸引。鋪上大塊豬扒，再淋滿濃郁蕃茄醬汁（或芝士？），經焗爐洗禮，醬汁微焦滲入飯中。豬扒扎實，與酸甜醬汁（或拉絲芝士）是經典絕配。炒底吸收醬汁精華後，口感更豐富滿足，每一勺都是熱量與美味的雙重暴擊，飽足感滿分！**抵食！****總結：** 焗飯炒底香濃飽足，盡展現茶餐廳功力，值得一試！

見到大部份評價都話肉餅好食 所以嗌咗焗豬扒飯同蝦油肉餅飯 但豬扒炸得勁厚 又乾 肉餅大部份都係肥膏 同時食唔出肉味 感覺全部嘢都唔係新鮮煮出嚟 埋單要$200感覺一點都不化算。。。

今日唔覺意行嗰附近，見到好多人排隊，之前喺另一間分店，食過佢哋嘅招牌菜，忍唔住想再食，但非常多人排隊，唯有買外賣，雖然要等時間長啲，但都值得呢個蝦頭油炒飯，真係非常好味。

這店在我的清單上良久, 終有機會光顧。因太餓的關係, 沒有避開繁忙時間, 13:35便入座, 有點自討苦吃。小店不大, 繁忙時間幾乎滿座, 搭枱是意料之內, 起初被安排坐卡座, 落單後被要求搬位, 但圓枱實在細小, 很有壓迫感。另外, 枱面只見油亮亮的餐牌一張, 如非為了打咭, 真的不想碰。小店設有自助水區, 客人可按需要自助。蜜桃鮮茄焗豬扒飯 $78是日目標清晰, 是為了蜜桃鮮茄焗豬扒飯而來。焗飯送來時不禁從心嘩了一聲, 芝士香氣撲鼻, 十分澎湃, 軟綿拉絲, 沒有焗至乾硬。鮮茄有數片, 茄汁香濃惹味。蜜桃有數件, 有助解膩滯。豬扒有4件, 比飯還要多, 適合喜歡吃肉的朋友。豬扒肉厚, 部份juicy部份偏乾, 但都軟身不柴。飯為炒底, 份量適中, 粒粒分明, 色澤均勻, 加上蔥香, 增添食慾。

極欠缺效率，6.37分下單，到7.25分先做好。明白即叫即做，寫需時15_20分鐘，但如果要等候50分鐘，應該下單時講聲，等人客有選擇，不停說廚房做不切，做不切就不要接單。等外賣站在店外長達48分鐘。

♡蓮藕梅香鹹魚肉餅飯 $63：肉餅厚身得黎好Juicy ，有鹹魚香味但唔會好鹹，仲加左隻流心蛋配飯一流👍。♡沙嗲串串:沙嗲醬味道濃郁，每一串都裹滿醬汁得黎 仲索晒啲汁，食落啖啖咸香沙嗲味 好滿足☺️。👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻沙嗲串真係好抵食，一串$20已經有交易🤝仲要一啲都唔孤寒，燒賣同墨魚丸都大大粒，啲醬都俾得滿滿當當，好似唔使錢咁😂。

意外发现他家有下午茶放题，下午茶是沙爹牛肉面。但是点单时发现不可以点❌虾头肉饼饭里好吃的不是虾头，而是肉饼。肉饼里面也有虾仁，外壳香脆，虾头微微有点甜咸口。没有想象中那么惊艳。沙爹牛肉蛋炒饭很好吃，炒饭空口吃就已经一级棒了，粒粒分明，米饭浸入了炒虾头的香味松软可口，我们都觉得特别好吃。沙爹牛肉相比反而没那么出色，炒饭是会回购的水平。