永合隆飯店

Open Now

Now Closed

【油尖旺區】【永合隆飯店】一早已經好想食吓呢間燒味飯店，因為真係接連聽過呢間嘢無數次。好食又有，唔好食又有，退步咗又有，總之就係充滿話題性，所以我都覺得自己點都應該去食佢一次。只係之前一係就佢閂咗，一係就唔肚餓，一係就場合上唔適合食佢，都係藉口多過乜。不過雖然講到我滿懷期待咁，但係我都係喺毫無預備嘅情況下行咗入去。真係諗住搵吓嘢食就見到佢，時機就係咁出現咗。所以，我入到去，侍應問我食乜，我細細聲問佢呢度乜嘢出名，佢就話係燒肉、燒鵝。咁我就整個三拼啦，拼埋門口看似幾靚嘅叉燒。叫咗 $85 嘅「燒肉燒鵝叉燒飯」少飯，燒肉果然正，脆得嚟肉味勁香濃。燒鵝失色啲，叉燒都幾好食，可以再戰。阿姐問我飲唔飲湯，用 $12 要埋例湯「菜乾豬肺湯」，都幾好飲，幫吓我清清個肺。埋單 $97，體驗吓都好，起碼我都記得佢哋個燒肉吖。。。（地址：太子砵蘭街392號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globale