Video
Read full review
2019-05-23
539 views
母親節又係一個外出食好啲嘅藉口，今日我地就嚟到皇家太平洋酒店柏景餐廳慶祝一下，為食豬一聽到去食自助餐都不知幾興奮，一早就嚟到餐廳，佢話要食好多...好多..好多好味食物呀~先嚟睇下自助晚餐有咩食先，佢地嘅精選冰鎮海鮮種類都好多，長腳蟹、凍蝦、螺、小龍蝦、青口~ 我同老公就對龍蝦同蟹鉗就最愛不措手，啖啖鮮甜肉超好味，而且佢地都回得好快，所以每次去都一定夾到呀~ 當然唔少得壽司同刺食，絕對要同大家推介大大隻嘅牡丹蝦鮮，鮮甜得嚟又夠彈牙，真係食唔停口。小小豬知我鐘意食，佢一有時間就幫我出去拎，來來回回都幫我去拎左好幾轉，大大話話我都食左十隻呀...哈哈哈~ 日式冷麵種類都有三種，小小豬話白雪雪嘅就係最好食~ 當然唔少得冷盤啦~ 仲有即煮紅燒牛肉麵，有得自選配搭就晒啱小小豬~ 仲有點心籠仔~ 熱葷種類真係比我預期中多，而且味道都唔錯。我自己就最鐘意韓式泡菜白汁焗龍蝦、日式蜆煲、扒香草羊架、三椒炒象拔蚌、賽螃蟹...完全係食唔停口呀~ 小小豬就最鐘意食精選燒烤同埋慢烤原條牛肉眼(好明顯佢係大愛燒烤香口嘢啦)~ Yummy..
先嚟睇下自助晚餐有咩食先，佢地嘅精選冰鎮海鮮種類都好多，長腳蟹、凍蝦、螺、小龍蝦、青口~
我同老公就對龍蝦同蟹鉗就最愛不措手，啖啖鮮甜肉超好味，而且佢地都回得好快，所以每次去都一定夾到呀~
當然唔少得壽司同刺食，絕對要同大家推介大大隻嘅牡丹蝦鮮，鮮甜得嚟又夠彈牙，真係食唔停口。小小豬知我鐘意食，佢一有時間就幫我出去拎，來來回回都幫我去拎左好幾轉，大大話話我都食左十隻呀...哈哈哈~
日式冷麵種類都有三種，小小豬話白雪雪嘅就係最好食~
當然唔少得冷盤啦~
仲有即煮紅燒牛肉麵，有得自選配搭就晒啱小小豬~
仲有點心籠仔~
熱葷種類真係比我預期中多，而且味道都唔錯。我自己就最鐘意韓式泡菜白汁焗龍蝦、日式蜆煲、扒香草羊架、三椒炒象拔蚌、賽螃蟹...完全係食唔停口呀~
小小豬就最鐘意食精選燒烤同埋慢烤原條牛肉眼(好明顯佢係大愛燒烤香口嘢啦)~
Yummy...Yummy...我地開大餐啦~
小小豬一行到去飲品吧就最開心，因為依度係無限添飲，除左有汽水同橙汁任飲之外、仲有台式芝士奶蓋鐵、五青汁、排毒水果水、就連夏枯草都有得飲，真係啱晒唔同人口味呀~
聽朋友講佢地嘅甜品係好得，叫我一定要留肚食，估唔到又真係唔錯，種類多之餘味就仲唔錯，珍珠奶茶奶凍、清酒啫喱伴青梅、伯爵茶朱古力蛋糕....係我個人心水推介，一定要試呀~
當然唔少得生果、芝麻糊、豆腐花、朱古力噴泉、自製班戟、蛇蛇糖......~
估唔到連老婆餅都有，而且仲幾好食添~
小小豬全日至愛就當然係Movenpick雪糕~
今晚真係食得超飽飽，三口子超滿足，小小豬更加食到肚仔脹卜卜，有一刻真係擔心佢利回吐添。食飽飽之後老公就帶我地出去餐廳外面嘅露台睇夜景，原來依個位望住個海，又吹吹海風，都真係好舒服呀~
Post
