🌽一口粟米豚肉雲吞 ($26/10隻)
呢到嘅招牌菜當然要試試啦！揀咗特濃蕃茄湯底🍅蕃茄味香濃之餘唔會好鹹，雲呑外皮薄餡料足，細細隻一啖一粒好過癮😋
🐥麻辣雞絲手工涼皮 🌶bb辣 ($38)
呢到嘅涼皮好大塊😍食落好滑溜口感一流，🤣而且雞絲份量唔少，食到尾都仲有雞絲，加埋芝麻同秘製椒麻汁好香口🙈 bb辣味道香濃，唔會太辣，啱哂唔食得辣又想試嘅朋友🤣
🍡串串香辣鍋 ($38)
呢個串串鍋有8款配料：振興牛丸、貢丸、長洲大魚蛋、台灣香腸、油揚、蓮藕、蘿蔔、海帶
雖然呢個一人鍋睇落迷你，但原來有咁多食材，一次過試哂都幾過癮🤣丸類爽口彈牙，而蘿蔔、油揚吸左啲湯底辣味，真係滋味無窮🙈
涼拌松花皮蛋 🌶bb辣 ($22)
呢個涼拌小食麻香十足，辣辣地好醒胃🤣
🧊山楂紅糖冰粉 ($16)
食完辣野食碗冰粉解辣就啱哂🙈
冰粉口感滑溜，配搭花生粒、山楂粒、提子乾，食完好爽！
🧱紅糖糍粑 ($25)
呢個傳統川菜甜品真係飯後必食🤤糍粑咬落好似麻糬咁好煙韌😍面頭撒上黃豆粉，再配埋紅糖漿，香甜軟糯🥰
🍑氮氣香桃茶 (+$12)
第一次聽氮氣茶🤣原來加咗氮氣可以防止飲品氧化，茶底更綿密輕盈，香桃嘅果香都好突出，不過甜度如果低少少就更好～
🌿冷泡御翠烏龍茶 (+$12)
茶味幾香濃，飲落有種透心涼嘅感覺，配埋辣野飲好清新解膩👍🏻
總結：堂食嗰陣都見唔少客人外賣，買啲小食返屋企加餸🤣如果放工放學想平平地食辣野過口癮，都不失為一個好選擇！
