陳儀興尚潮樓 (英皇道)

Open Now

Now Closed

【東區】【陳儀興尚潮樓】見過好多 foodie 推薦過呢間潮州菜，攪到我都好想試。適逢過咗嚟太古城睇啲嘢，睇完就行過嚟佢哋鰂魚涌分店試一試佢喇。一坐低就有啲酸菜同埋功夫茶放喺枱面畀我哋開胃，幾好。而茗茶我叫咗「鐵觀音」，係幾好飲嘅。首先試 $88 嘅「涼拌海蜇頭」，上網睇有人話係酸酸甜甜，但係其實係鹹香豐盈嘅一道前菜嚟。跟住試 $298 嘅「滷水拼盤」，有大腸、生腸、墨魚、腩肉、元蹄，仲有放喺底嘅豆腐乾，所有嘢都索晒啲滷水汁，完全入晒味囉。之後試 $228 嘅「潮式魚丸肉碎煮汕頭白」，係餐廳個經理推薦我哋試嘅，有好多粒好香魚味嘅潮式魚蛋喺度，幾好味。而佢裡面仲有啲汕頭白同埋肉碎，啲汕頭白係好似津白咁嘅菜，少食農作物嘅我都覺得好腍好清甜呀。跟住一人一碗 $78 嘅「胡椒鹹菜鮮豬肚湯」，唔錯，胡椒味唔會濃到得鋪辣嗰隻，唔中意辣感嘅讀者朋友都實會中意。食完嘢，經理都有過嚟關心我哋覺得啲嘢食好唔好，幾好招呼。連埋 $15 位嘅茗茶同加一，埋單係 $880 嘅。。。（地址：鰂魚涌英皇道1001號7樓1號舖）#1amfoodie #hkig #foodie #hk #hongkong #hongk