Le Viet (Closed)

好耐無行旺角同係度食飯，係銀行中心有水牌，多咗食店。上一層有starbucks，另外仲有呢間越式餐廳。樣樣都想食，樣樣都想叫。好耐無食菜，叫咗通菜（$62），幾可口，小小辣。呢個真係好好食，牛腩煮得好入味，又夠淋，405元都多，撈極都有牛腩，平時可能一兩舊就無，薯仔都ok，佢有個爐坐暖佢。配埋簿餅，點佢嘅咖喱，一流！（佢亦可以揀法包）叫咗牛油雞翼，72元有6隻，隻隻都係大隻，一上枱即食，好熱，上面仲加咗蒜蓉，啖啖肉。最鍾意食撈檬，叫咗豬頸肉，68元。豬頸肉燒得唔錯，唔會太難咬，過熟，用魚露沖落去，正，成碗即刻加哂分，好好味。佢有甜品同飲品，最後要左一杯青檸梳打。分開上，好有誠意又抵飲👍🏻我地8點到都幾乎全場有客人，我地食耐咗，等到尾段無乜人，就影個景俾大家睇。