Doux (Closed)

係呢頭做完嘢，見comment唔錯，就揀呢間。一般旺角太子樓上cafe都比較雜同嘈，呢間意外地上度去係靜同開揚，原來旺角呢個view幾好。餐廳嘅裝修簡約，我自己好喜歡佢嘅燈飾，每枱有枱花，難怪唔少情侶上黎飲一杯。肚餓啦，未食正餐，叫咗個紐西蘭16安士7成肉眼同埋青口忌廉汁意粉。呢碟多青口，粒粒都有大啖肉。意粉煮得剛剛好，配合佢淡淡嘅汁，唔錯。一上碟先係塊板係熱上，讚！呢塊肉眼超厚，7成入面係見血，肉汁保留到，切個陣啲汁流出黎。肉點嘅汁有小小甜，幾特別。而配料煮得好味，薯仔用薑煮過，蕃茄仔有小小淋。飲品見到兩杯幾特別嘅飲品，一杯係手工茶，另一杯係雪榚咖啡。手工茶係下面燒，過程中茶會走左上去，經過一堆花，下面無火，茶就會落番黎，就可以飲。淡淡嘅花香，茶係好飲，係食左啖肉後再飲茶係唔同啲。先呷一啖佢嘅咖啡，苦苦地，加左落去焦糖同雪榚後，味道剛剛好，好飲喎！我地仲嘗試一啖手工茶，一啖咖啡，味道仲搭。可惜太飽，如果唔係都想食佢甜品。