The Grill Room (The Humphreys)

Open Now

Now Closed

之前去過尖沙咀一間叫「The Grill Room」嘅西式扒房，食完之後一直念念不忘，今次再次光顧呢間餐廳，餐廳嘅環境依舊好有氛圍感，燈光偏昏暗而且格局有情調，真係好適合兩個人食飯聚餐。🍊 16oz USDA Rib Eye美國肉眼扒喺呢間餐廳必嗌嘅食物，16安士嘅牛扒份量好大，medium rare嘅熟度啱啱好，牛扒嘅紋理清晰，脂肪同筋膜嘅部份比例唔算多，食落去牛扒嘅口感軟熟，除咗有油脂本身嘅油香，牛肉嘅味道非常濃郁突出，加入旁邊嘅beef jus更加可以增添濃味，伴碟嘅薯蓉口感亦都好順滑🍊 Seared Salmon三文魚扒嘅熟度煎啱啱好，魚皮煎得好香脆，魚肉非常嫩滑，就咁食已經充滿魚油香，配埋下面口感順滑嘅忌廉白汁就更加味道豐富，配菜有豌豆同三文魚子，三文魚子味道鮮甜無比，豌豆同忌廉白汁都好夾📍尖沙咀堪富利士道6-6A號爵寓2樓位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊