Video
Read full review
2023-08-15
1035 views
今次同男朋友係尖沙咀搵野食，留意到呢間係Openrice極多好評嘅餐廳，餐廳有兩層入面仲有好多千奇百趣嘅裝飾，食客睇得又可以打卡。———————————————🌟唔好抱咁大期望蒲燒鰻魚蛋包飯 $128 (原條+$28)我就叫咗原條，呢個鰻魚真心抵食，出面一條都要差唔多一百蚊﹐呢度唔單只好食仲要好肥美，每啖都好滿足。另外飯本身都係珍珠米，仲用汁炒過一啲都唔馬虎，連埋滑蛋食真係唔覺意就已經食咗一大盤～.🌟冰鎮海鮮盤連兩杯白酒 $298呢個冰鎮海鮮盤都算多款，而且仲要有埋原隻龍蝦，龍蝦肉鮮甜彈牙，仲有膏可以食。除此而外仲有青口、鮑魚、蝦同翡翠螺，特別想highlight鮑魚本身好似有醃製過，味道有少少醬酒嘅甜味，連同白酒少少酸澀嘅味道真係好唔錯。.🌟蒲燒三文魚腩日式沙律 $126蒲燒三文魚腩真心好食，佢一共有四件，但真係燒得好香而且魚腩放入口有少少入口即溶感覺。沙律方面仲有藍莓同紅莓，另外仲有火箭菜同各款常見沙律菜，都幾豐富。.🌟三文魚牛油果莎莎 $88同平時食開果種餅唔太一樣，係用一塊好大嘅餅做底，我覺得好抵嘅地方係佢三文魚同牛油果都算多，上面仲有蟹籽撈埋一齊，令成個口感更豐富。.🌟焙茶芝
今次同男朋友係尖沙咀搵野食，留意到呢間係Openrice極多好評嘅餐廳，餐廳有兩層入面仲有好多千奇百趣嘅裝飾，食客睇得又可以打卡。
———————————————
🌟唔好抱咁大期望蒲燒鰻魚蛋包飯 $128 (原條+$28)
我就叫咗原條，呢個鰻魚真心抵食，出面一條都要差唔多一百蚊﹐呢度唔單只好食仲要好肥美，每啖都好滿足。另外飯本身都係珍珠米，仲用汁炒過一啲都唔馬虎，連埋滑蛋食真係唔覺意就已經食咗一大盤～
.
🌟冰鎮海鮮盤連兩杯白酒 $298
呢個冰鎮海鮮盤都算多款，而且仲要有埋原隻龍蝦，龍蝦肉鮮甜彈牙，仲有膏可以食。除此而外仲有青口、鮑魚、蝦同翡翠螺，特別想highlight鮑魚本身好似有醃製過，味道有少少醬酒嘅甜味，連同白酒少少酸澀嘅味道真係好唔錯。
.
🌟蒲燒三文魚腩日式沙律 $126
蒲燒三文魚腩真心好食，佢一共有四件，但真係燒得好香而且魚腩放入口有少少入口即溶感覺。沙律方面仲有藍莓同紅莓，另外仲有火箭菜同各款常見沙律菜，都幾豐富。
.
🌟三文魚牛油果莎莎 $88
同平時食開果種餅唔太一樣，係用一塊好大嘅餅做底，我覺得好抵嘅地方係佢三文魚同牛油果都算多，上面仲有蟹籽撈埋一齊，令成個口感更豐富。
.
🌟焙茶芝士蛋糕 $68
呢個芝士蛋糕高質，焙茶味香濃但唔會搶曬芝士味，而且佢個口感好實在，仲有莓同水果可以再襯托一下味道。
.
🌟夏日熱辣辣，好熱好熱降溫椰子沙冰 $56
呢杯沙冰好飲又可以打卡，白色嘅沙冰配藍色嘅海鹽雪糕，雪糕好滑身味道唔會太咸，椰子沙冰味道濃之餘又唔會太甜，夏天叫返杯真係好正😎
.
🔸整體評價🔸
菜式都好有特色，基本上味道同份量都滿意，整體性價比都高。除咗以上介紹外，都仲有好多款菜式同小食幾適合分享，所以推薦大家4個人搵餐廳呢間真係不錯嘅選擇～
Post
