Video
Read full review
2025-05-28
2731 views
人氣日式放題店「殿.大喜屋」，顧名思義係日式放題中嘅殿堂級別，皆因刺身新鮮，食物質素最高。最近尖沙咀店經過裝修之後重開，環境乾淨闊落，燈光柔和，空間感十足，放題更加大升級，3小時任飲任食過百款食物，包括最近新推出奄仔蟹、牡丹蝦任食，海鮮控必定鍾意。刺身類刺身種類繁多，有三文魚、油甘魚、池魚王、金槍魚腩、希靈魚、北寄貝、赤貝、北海道鮮帶子、甜蝦、松葉蟹腳、泰式虎蝦、牡丹蝦。款款刺身都好新鮮，三文魚腩厚切，肉質肥美；最特別係牡丹蝦任食，每隻都大隻新鮮，肉質爽彈，鮮甜軟潤，蝦味濃郁；北海道帶子肉質鮮嫩，味道鮮甜。一品料理鹽焗奄仔蟹，最近推出嘅任食奄仔蟹好特別，奄仔蟹爆膏，膏呈金黃色好飽滿，蟹膏甘香軟滑，入口柔軟細膩，蟹肉經過鹽焗帶有淡淡嘅鹹味，帶出蟹肉嘅鮮味；金湯繪花膠，口感滑溜，充滿滋潤養顏嘅骨膠原。創作料理煙燻鱆紅魚薄切，晶瑩剔透，白裏透紅，鮮中帶甜；花雕醉鮑魚，鮑魚富有花雕酒香，肉質滑嫩，爽口彈牙 ；牛油果蟹肉最中餅，用上新鮮牛油果，加上鮮甜嘅蟹肉同埋鹹香嘅蟹籽，底層嘅最中餅脆口，好特別。串燒燒榴槤，入口綿密，口感creamy，味道香濃，榴蓮控必定要試；鹽燒雞軟骨，雞軟骨味道鹹香，香脆
刺身類
刺身種類繁多，有三文魚、油甘魚、池魚王、金槍魚腩、希靈魚、北寄貝、赤貝、北海道鮮帶子、甜蝦、松葉蟹腳、泰式虎蝦、牡丹蝦。款款刺身都好新鮮，三文魚腩厚切，肉質肥美；最特別係牡丹蝦任食，每隻都大隻新鮮，肉質爽彈，鮮甜軟潤，蝦味濃郁；北海道帶子肉質鮮嫩，味道鮮甜。
一品料理
鹽焗奄仔蟹，最近推出嘅任食奄仔蟹好特別，奄仔蟹爆膏，膏呈金黃色好飽滿，蟹膏甘香軟滑，入口柔軟細膩，蟹肉經過鹽焗帶有淡淡嘅鹹味，帶出蟹肉嘅鮮味；
金湯繪花膠，口感滑溜，充滿滋潤養顏嘅骨膠原。創作料理
煙燻鱆紅魚薄切，晶瑩剔透，白裏透紅，鮮中帶甜；花雕醉鮑魚，鮑魚富有花雕酒香，肉質滑嫩，爽口彈牙 ；牛油果蟹肉最中餅，用上新鮮牛油果，加上鮮甜嘅蟹肉同埋鹹香嘅蟹籽，底層嘅最中餅脆口，好特別。
串燒
燒榴槤，入口綿密，口感creamy，味道香濃，榴蓮控必定要試；鹽燒雞軟骨，雞軟骨味道鹹香，香脆惹味。
炸物
榴槤炸彈，外表金黃色，外脆內軟，內餡充滿幼滑香濃嘅榴槤；芝麻雞翼，外皮金黃香脆 ，好惹味。
自助飲品區
飲品種類繁多，除咗有一般汽水、果汁、茶嘅飲品之外，仲有大喜屋自家製冷泡茶同埋港式奶茶。
雪糕區
自助區嘅甜品種類繁多，有MÖVENPICK、Häagen-Dazs雪糕任食，好吸引。
自助海鮮區
出面自助海鮮區仲有煙三文魚、魚籽同埋蟹籽任食。
甜品
Post
