Video
Read full review
2023-03-18
25 views
之前其實有去過旗下另一間2nd Draft，一樣都有好多手工啤同特色Fusion菜，今次呢間成個裝修風格都好Chill，以紅色為主調，牆壁設計都係紅磚為主，夜晚加埋燈光效果有種迷幻感😍今次我地直接就選擇All Day Set二人套餐，每位$238包一份小食、一份雞翼、一份沙律、一份主菜同每人一杯tap beer。———————————————🌟Alvy’s beer我自己就叫咗no.5 Just Peachy Cider，飲落覺得真係好啱我，一啲都唔苦，淡淡地有啲甜味同時又有好香果味。朋友就叫咗no.10 Hangry Donuts Hopiscus，果味重會有少少偏酸，相對之下比較濃郁甜度亦都適中。.🌟扭扭薯條 Curly Fries呢個扭扭薯條嘅精髓就係佢嘅House Ketchup，用鮮茄整甜度仲要調得啱啱好，成個感覺好鮮甜，配埋熱辣辣又香脆嘅薯條就更正！.🌟余均益炸雞翼 Yu Kwen Yick Hot Wings呢個係一個好有特色好值得大家試嘅雞翼，佢味道上一開始覺得有少少似水牛雞翼，但佢係用香港本地辣椒醬牌子余均益制造，個辣度真係唔惹小，但食落真係好正好爽好辣！佢隔離仲配有
———————————————
🌟Alvy’s beer
我自己就叫咗no.5 Just Peachy Cider，飲落覺得真係好啱我，一啲都唔苦，淡淡地有啲甜味同時又有好香果味。朋友就叫咗no.10 Hangry Donuts Hopiscus，果味重會有少少偏酸，相對之下比較濃郁甜度亦都適中。
.
🌟扭扭薯條 Curly Fries
呢個扭扭薯條嘅精髓就係佢嘅House Ketchup，用鮮茄整甜度仲要調得啱啱好，成個感覺好鮮甜，配埋熱辣辣又香脆嘅薯條就更正！
.
🌟余均益炸雞翼 Yu Kwen Yick Hot Wings
呢個係一個好有特色好值得大家試嘅雞翼，佢味道上一開始覺得有少少似水牛雞翼，但佢係用香港本地辣椒醬牌子余均益制造，個辣度真係唔惹小，但食落真係好正好爽好辣！佢隔離仲配有一隻藍芝士醬，藍芝士味好出好濃，如果怕辣又想試嘅朋友仔可以點多少少醬食，一樣都好好味架！
.
🌟腐乳汁凱撒沙律 Alvy's Caesar
一開始見到腐乳汁覺得好新奇又驚會唔好食，但食落發現個味原來係超夾，夾到真係同平時嘅凱撒沙律好似，好似平時嘅凱撒沙律都應該要加呢隻腐乳汁，令到成個味道都濃好多，加上個份量都唔少所以都係一個吸引嘅菜色。
.
🌟墨西哥海鮮薄餅 The Seafood Popper
本身見佢有3條辣椒以為會好辣，但食落其實還好，主要係上面嘅辣椒有啲辣味，整體味道都唔辣。不過佢個pizza係手工酸種薄餅底，面包控表示真係好正😍上面配料都算豐富，下次會再叫其他味試吓！
.
🔸整體評價🔸
菜式方面好有特色，好多種都想試，而今次食嘅菜式同啤酒基本上都好滿意！唯一係呢啲咁Chill嘅酒吧如果員工都再熱情啲就更有feel喇😆
.
🌟特別優惠🌟
餐廳另外仲有特別飲品Freeflow優惠，$300/位就可以2個鐘任飲包5種啤酒加1梳打、House Red & White Wine、罐裝Higherthan, Highball、梳打、檸檬水、果汁，最啱大家收工一齊Chill！
Post
