Video
Read full review
2023-10-03
29 views
呢日同媽媽兩個撐台腳，記起海濱呢間餐廳新開咗一段時間都未食過，就決定要去試試。餐廳門口望落去已經好有格調，內裡裝修更係以地中海文化及航海元素為主非常有特色。———————————————🌟Tuna Tartare $198呢個前菜份量都算幾多，佢係由吞拿魚他他，黃鰭吞拿魚、泡菜同茄子蓉組成，食落好特別，上面果層比較濃味仲有魚肉粒咁同黑芝麻，下面就相關比較似醬嘅質感，一啖食落去其實口感係超豐富。.🌟Crab Chitarra $198呢個蟹肉意粉真心十級推薦，係一個真係有蟹肉同埋蟹肉味好重嘅意粉，佢煮意粉嘅醬汁似乎就係用蟹肉湯製，有種連精華同鮮味都煮埋入意粉嘅感覺，我同媽媽都對呢個意粉讚不絕口。.🌟1855-Rib eye $480牛扒都係我平時喜愛叫嘅菜式之一，呢塊牛扒非常高質，講緊比好多專做牛嘅地方都好，牛味重之餘最重要一點係佢完全冇筋，而且仲有少少脂肪食落更香口。不過份量真係超大塊，比想像中多好多，最後真係飽到食唔曬🤭.🌟Classic Bread Pudding $88呢個甜品都高質，完美做到冰火兩重奏，下面嘅麵包布甸熱辣辣再配上面凍冰冰嘅雲尼拿雪糕，成個口感同味道都令人眼前一亮
呢日同媽媽兩個撐台腳，記起海濱呢間餐廳新開咗一段時間都未食過，就決定要去試試。餐廳門口望落去已經好有格調，內裡裝修更係以地中海文化及航海元素為主非常有特色。
———————————————
🌟Tuna Tartare $198
呢個前菜份量都算幾多，佢係由吞拿魚他他，黃鰭吞拿魚、泡菜同茄子蓉組成，食落好特別，上面果層比較濃味仲有魚肉粒咁同黑芝麻，下面就相關比較似醬嘅質感，一啖食落去其實口感係超豐富。
.
🌟Crab Chitarra $198
呢個蟹肉意粉真心十級推薦，係一個真係有蟹肉同埋蟹肉味好重嘅意粉，佢煮意粉嘅醬汁似乎就係用蟹肉湯製，有種連精華同鮮味都煮埋入意粉嘅感覺，我同媽媽都對呢個意粉讚不絕口。
.
🌟1855-Rib eye $480
牛扒都係我平時喜愛叫嘅菜式之一，呢塊牛扒非常高質，講緊比好多專做牛嘅地方都好，牛味重之餘最重要一點係佢完全冇筋，而且仲有少少脂肪食落更香口。不過份量真係超大塊，比想像中多好多，最後真係飽到食唔曬🤭
.
🌟Classic Bread Pudding $88
呢個甜品都高質，完美做到冰火兩重奏，下面嘅麵包布甸熱辣辣再配上面凍冰冰嘅雲尼拿雪糕，成個口感同味道都令人眼前一亮😍
.
🌟Tea Light $98
呢杯比較重嘅味道都係嚟至Orgeat，如果本身鍾意杏仁味呢杯就一定啱你，味道重再配有少少西柚同薄荷，就好似係一杯另類嘅杏仁茶。
.
🌟Kraken Hunter $140
用Kraken Dark Rum 做底，另外比較重味會係Coconut 同Pineapple嘅味道，酒精比較重少少但唔會覺得好苦，飲落都唔錯。份量方面都算大杯，就算冰溶咗個味道都仍然濃郁。
.
🔸整體評價🔸
整體味道真係好高質，每樣菜式同飲品都相當令人滿意，Staff全部都係好friendly，如果大家有機會過嚟將軍澳海濱，真係要試下呢間地中海餐廳。
Post
