Video
Read full review
2023-02-09
201 views
新的一年又點可以停，一定要豐衣足食。是日同事食開年飯，大家都想盡慶，最終揀咗公司附近食放題。Lunch time放題時間好好，一來價錢抵少少，二來食飽可以慢慢有一整日消化。價錢＄238，仲可以任食3小時。🍴刺身拼盤第一round 點少得刺身，太耐無食放題喇，原來依家有成十幾款選擇。簡單點了6款，必點赤蝦、三文魚、日本帶子。赤蝦爽彈鮮甜，同甜蝦一樣，餐廳已經處理好，原隻放入口，嘆！三文魚近腩位，非常肥美。帆立貝帶子最有驚喜，通常放題質素普遍麻麻，但今次非常厚身，食得出係正野。🍴蒸蒜蓉帆立貝向來都鍾意海鮮，蒜蓉非常惹味，加上有有spicy，個source好香口！！另外仲試了好多唔同款燒物，個人鍾意西京燒比目，雖然薄身，就燒得香口，而味道都唔錯。🍴紅燒乳鴿估唔到放題都有咁多中菜，仲見到有乳鴿，仲要係新鮮即制，唔怕太飽的，可以試下，質素唔錯，好過唔少餐廳出品。🍴壽喜燒食到咁上下，係時間食返少少菜，揀了牛肉壽喜燒，牛肉唔錯呀，軟淋又好味。重點加了蛋，整件事昇華！🍴榴槤炸球甜品都有幾款選擇，今次揀了榴槤球，裏面嘅榴槤勁出色，榴槤球炸得岩岩好，一咬榴槤溢出，味道唔錯，不過一粒好喇，要留肚食雪糕。雖然
Lunch time放題時間好好，一來價錢抵少少，二來食飽可以慢慢有一整日消化。價錢＄238，仲可以任食3小時。
🍴刺身拼盤
第一round 點少得刺身，太耐無食放題喇，原來依家有成十幾款選擇。簡單點了6款，必點赤蝦、三文魚、日本帶子。赤蝦爽彈鮮甜，同甜蝦一樣，餐廳已經處理好，原隻放入口，嘆！三文魚近腩位，非常肥美。
帆立貝帶子最有驚喜，通常放題質素普遍麻麻，但今次非常厚身，食得出係正野。
🍴蒸蒜蓉帆立貝
向來都鍾意海鮮，蒜蓉非常惹味，加上有有spicy，個source好香口！！
另外仲試了好多唔同款燒物，個人鍾意西京燒比目，雖然薄身，就燒得香口，而味道都唔錯。
🍴紅燒乳鴿
估唔到放題都有咁多中菜，仲見到有乳鴿，仲要係新鮮即制，唔怕太飽的，可以試下，質素唔錯，好過唔少餐廳出品。
🍴壽喜燒
食到咁上下，係時間食返少少菜，揀了牛肉壽喜燒，牛肉唔錯呀，軟淋又好味。重點加了蛋，整件事昇華！
🍴榴槤炸球
甜品都有幾款選擇，今次揀了榴槤球，裏面嘅榴槤勁出色，榴槤球炸得岩岩好，一咬榴槤溢出，味道唔錯，不過一粒好喇，要留肚食雪糕。
雖然係lunch time，但飲品選擇勁多，單係酒，都已經有幾款唔同，啤酒都6款，梅酒、sake、果汁酒都有得揀，晚市happy hour 飲得仲開心。
冬天又食咁多生冷野，對身體唔係太好？呢度仲有熱飲專櫃，入面有維他奶、涼茶揀，當然另一邊仲有熱茶、咖啡機， 望過選擇都有幾款，不過今次就無飲到。
至於雪糕都係重點，有成8－9款自取兼任食，今次太full喇，只係揀了haagan daze的朱古力味，最後仲加杯咖啡，自製affogato！！
飽足一日，dinner 都可以skip埋。堆單都唔過300元，放題來講好唔錯呀～！
Post
