Video
Read full review
2020-05-17
333 views
幫襯佢，但唔知得罪佢乜😡當客lulu 拎【污糟墊杯碟當餐碟】serve我地!!!! 😡😡😡從來未試過一間服務咁差嘅cafe! 仲好意思收我地10% service charge🔥🔥雖然食物質素OK，但服務奇差不會再來！ 🔥🔥詳細：一行3人7:30咁右嚟到The Hunt, 因為我地唔太肚餓，所以淨係叫左1個主食&小食，2個甜品和每人一杯野飲～ 志在坐低傾吓計～ 埋單$5xx ～ 唔知係咪嫌我地低消費，服務差到離晒譜😡😡當我哋食到一半時，其極品職員走來問我哋：「 仲要唔要啊？ 幫你收起啲碟上甜品？ 」 當刻枱面有一兜食到一半嘅薯條，我哋正在思考！ 然後極品職員就開始嚟料😑 以燥底嘅語氣同我地講：「即係唔使啦，幫你上甜品」嗰一刻我哋都冇嬲，只係奇怪點解佢突然咁燥底之後佢上咗個甜品就走開！並冇主動提供新嘅餐碟俾我哋食甜品～ 唔通要我地用食飯碟食？ 🤔 於是我哋問佢拎食甜品嘅餐具啦～ 佢淨係比咗3隻叉我地～ 咁餐碟呢？ 😧 佢踢一踢，郁一郁都算啦😡 佢竟然仲當我地lulu拎墊杯碟當餐碟，上面仲要有污漬🤬仲夠膽死瞪大隻眼勁惡死咁講：「 仲有冇其他要求？ 冇啦嘛？」文字完全不能表達，該位極品職
🔥🔥雖然食物質素OK，但服務奇差不會再來！ 🔥🔥
詳細：
一行3人7:30咁右嚟到The Hunt, 因為我地唔太肚餓，所以淨係叫左1個主食&小食，2個甜品和每人一杯野飲～ 志在坐低傾吓計～ 埋單$5xx ～ 唔知係咪嫌我地低消費，服務差到離晒譜😡😡
當我哋食到一半時，其極品職員走來問我哋：「 仲要唔要啊？ 幫你收起啲碟上甜品？ 」 當刻枱面有一兜食到一半嘅薯條，我哋正在思考！ 然後極品職員就開始嚟料😑 以燥底嘅語氣同我地講：「即係唔使啦，幫你上甜品」嗰一刻我哋都冇嬲，只係奇怪點解佢突然咁燥底
之後佢上咗個甜品就走開！並冇主動提供新嘅餐碟俾我哋食甜品～ 唔通要我地用食飯碟食？ 🤔 於是我哋問佢拎食甜品嘅餐具啦～ 佢淨係比咗3隻叉我地～ 咁餐碟呢？ 😧
佢踢一踢，郁一郁都算啦😡 佢竟然仲當我地lulu拎墊杯碟當餐碟，上面仲要有污漬🤬
仲夠膽死瞪大隻眼勁惡死咁講：「 仲有冇其他要求？ 冇啦嘛？」文字完全不能表達，該位極品職員的惡劣態度🙄 我哋想好嚟好去，冇即場爆佢～
總結：
說話態度每個人接收嘅感覺都不一樣！ 但【用墊杯碟當餐碟】就是印證佢嘅唔專業😡 事後我地亦同其他職員查詢，已確定呢3隻係espresso墊杯碟🤬 事件已超出服務態度惡劣的範圍，根本存心戲弄客人
Post
