1
🌗1422 即燒伊比利亞叉燒皇 $228上枱仲係溫熱，叉燒肉質柔軟又唔肥，同「乾」、「柴」絕對扯唔上一絲關係，但份量較少，一碟只有八件，價錢真係有啲貴。
🌗1301 星洲麥皮蝦 $248
蝦夠晒大隻，但似乎唔算非常新鮮，蝦肉無黐殻，唔算梅但唔彈牙🤔。
🌖1506 神燈小炒皇 $158
呢道小炒有驚喜！食開嘅小炒皇都係鹹味居多，呢個竟然係甜嘅！材料有豬板筋、油條、四季豆、馬蹄、腰果、蝦乾，我都估唔到平時唔鍾意食小炒皇嘅我竟然會食唔停口。
🌗1528 麵醬干煏魚雲煲 $228
一碟有八件魚雲，每件都有麵豉，加埋個熱煲，夠味又夠曬鑊氣。
🌗4003 砂窩蟹粥 $168
一鍋蟹粥大概分到六至七碗，見到有一隻蟹係入面，但係蟹味仍略嫌不足。
🌗雪耳桃膠糖水
免費餐後糖水，都有幾多料唔係淨得水。
見隔離枱食帝皇蟹，大大個蟹蓋盛滿蟹膏拎左去整甲羅燒，蟹腳就拎去花雕蒸，好鬼死吸引添🤤🤤🤤
