大渣哥茶記 (Closed)

疫爆都要返工，係疫情下，都會睇到大家點樣處理，點樣食得安心。12點半已經有條小龍。記得要帶身分證，店員會每個睇身分證，度體溫同埋睇有無手帶，呢個行為真係令人安心啲。等左一陣就入得，食嘅呢日未實施1.5，都係會搭枱，其實大家都會好小心，唔會太過份。餐牌改啲名好抵死，好有趣，大家有機會細讀下。返工呢刻想對自己好啲，黑牛黑麵轉丁，42+5元，牛肉可以，個汁唔會太過，沙嗲味可以多番小小會更好。（我自己好鍾意呢張相，我影得好好😛）炒蛋唔錯，算滑。多士同平時食有啲唔同，唔係方包。火腿正常。奶茶茶味較重，都入得口。