Video
Read full review
2018-08-13
205 views
事隔多月再去中染覓食，見到有非常多的新餐廳開業，仲要大部份為非連鎖店，間間都想試但又冇咁大個胃，唯有選呢間外表睇落最好食嘅台式餐廳。門口有台式飲品外賣，亦有不少小食可以外賣拎走，連最近大熱的黑糖珍珠鮮奶 ($38) 都有得飲，不過整體價錢偏貴，所以都係乖乖地食返午市套餐算。裝修內部都非常適合影相打卡，又有吊燈又有霓虹光管，仲有兩隻公仔，店舖環境乾淨、坐得又舒適，確實第一印象不錯。不過講到食物方面就真係麻麻地，我哋兩個人分別點咗 肉燥飯 ($58) 同埋 肉燥乾拌麵 ($60)，見呢兩個套餐咁 dry 就另點一客鹽酥雞小食。兩個肉燥套餐都有巨量肉燥，不過肥豬肉就較少，而且肉燥不沾麵條，基本上全程麵肉分開，食到最後淨超多肉粒，齋食又唔過癮，唯有放棄。另一半食完肉燥飯話個肉燥味道同一般食開嘅有些少不同。飲品就無咩特別，兩杯綠茶，一杯加咗細珍珠，都幾有咬口，見同場好多人加錢飲珍珠奶茶。最令我失望一定，係一定係個鹽酥雞。肉質嚡口不在話下，鹽酥味道近乎 0，炸粉完全遮晒成嚿雞嘅味，乾爭爭超難入口。只有分量超多呢點係有令我驚艷，最少有 30 塊雞粒，最後食淨 10 幾粒就走，實在太唔好食，希望佢將來
門口有台式飲品外賣，亦有不少小食可以外賣拎走，連最近大熱的黑糖珍珠鮮奶 ($38) 都有得飲，不過整體價錢偏貴，所以都係乖乖地食返午市套餐算。
裝修內部都非常適合影相打卡，又有吊燈又有霓虹光管，仲有兩隻公仔，店舖環境乾淨、坐得又舒適，確實第一印象不錯。
不過講到食物方面就真係麻麻地，我哋兩個人分別點咗 肉燥飯 ($58) 同埋 肉燥乾拌麵 ($60)，見呢兩個套餐咁 dry 就另點一客鹽酥雞小食。兩個肉燥套餐都有巨量肉燥，不過肥豬肉就較少，而且肉燥不沾麵條，基本上全程麵肉分開，食到最後淨超多肉粒，齋食又唔過癮，唯有放棄。另一半食完肉燥飯話個肉燥味道同一般食開嘅有些少不同。
台灣肉躁飯套餐
$58
10 views
0 likes
0 comments
台式肉燥乾拌麵
$60
41 views
0 likes
0 comments
台式肉燥乾拌麵
14 views
0 likes
0 comments
飲品就無咩特別，兩杯綠茶，一杯加咗細珍珠，都幾有咬口，見同場好多人加錢飲珍珠奶茶。
8 views
0 likes
0 comments
13 views
0 likes
0 comments
最令我失望一定，係一定係個鹽酥雞。肉質嚡口不在話下，鹽酥味道近乎 0，炸粉完全遮晒成嚿雞嘅味，乾爭爭超難入口。只有分量超多呢點係有令我驚艷，最少有 30 塊雞粒，最後食淨 10 幾粒就走，實在太唔好食，希望佢將來會有進步啦！
鹽酥雞
$45
18 views
0 likes
0 comments
不過侍應反應夠快，落單埋單都應得好快，本身落漏鹽酥雞都即刻加返。見同場有講國語侍應，未知喺台灣過江龍定只係大陸同胞。
總結：不了，有進步再算。
Post
