去貓貓CAFE就最適合。
睇住貓貓走來走去、訓下、玩下、灘下，令生活充滿生氣，好治癒呀。
講返正題，我要去食飯醫肚呀。
6
2
午餐有湯、飲品、主菜，價錢70幾蚊起，仲有咁多貓貓招呼你，非常抵食啦
餐湯係南瓜湯，香濃又足料，啖啖奶油味
加埋好有誠意的多士條，有糖喺面，焗到脆卜卜，甜甜地。
主菜有驚喜！真心好食！
我就嗌咗 「香草豬排伴菠蘿莎莎」($93)
豬排真心超JUICY！火喉岩岩好！煮豬肉都煮到岩岩熟！豬排常見的老鞋乾柴情況完全無出現！咪以為打卡餐廳就唔好食。真心高質啊。加埋用菠蘿煮的醬汁，酸酸甜甜，好夾好好食！真心推薦！
飲品就嗌咗「芒果雲朵沙冰」（原價$59）
嗌餐就補差價OK！天氣太熱好想飲凍野！呢杯沙冰真係太邪惡啦！勁大舊CREAM放喺面落足本！味道好清新，唔算甜，舒暢哂！
有得玩下貓貓，打下卡，望住佢地走來走去，加上有冷氣，簡直係夏日好去處。
消費又唔高，坐得都幾舒適，地方乾淨企理，值得再去呀！
