一咬落個蛋撻，酥皮的確好鬆化，但蛋漿嘅味道就有啲令人失望。冇傳聞中嘅濃郁奶香同蛋香，反而有啲偏甜，食多兩口就覺得膩。個口感亦唔夠滑嫩，比起我以前食過嘅其他出色蛋撻，呢個真係差啲火候囉…
🤥🤥
除咗食物，店員嘅服務態度都好一般。唔似得其他餐廳咁熱情招待客人，佢哋面無表情，動作有啲慢吞吞，感覺好似唔想做嘢咁。我問佢哋有冇咩推介，都只係愛理不理咁隨便應兩句。
總括嚟講，Bakehouse 呢間網紅店真係有啲名過其實😕為咗個蛋撻排隊半個鐘，最後換嚟嘅只係一般般嘅味道同唔太好嘅服務體驗，真係有啲唔抵..
如果唔使排隊，可能我仲會考慮再嚟試下其他嘢，但依家咁嘅情況，除非佢哋有好大改善，否則我都唔會特登再嚟😢
1
17
9
13
