麻辣風雲 (荃碧大廈) (Closed)

今日同🧑🏻‍🦱去咗荃灣搵食。雖然好熱～但最後選擇咗食辣嘢夠刺激～朋友推薦我食呢間「麻辣風雲」我地叫咗酸菜魚同埋川味肉碎水晶粉。酸菜魚 $268我地叫左小辣～所以酸味偏重。呢道菜份量好多，酸香撲鼻。魚片數量好多，入面有酸菜、芽菜、萵筍。酸菜咸香，全部配料都好入味，酸得過癮！川味肉碎水晶粉 $58依然係份量超多，兩個人食好足夠！水晶粉微辣，口感爽軟韌彈滑，好開胃～荔枝特爽 $28食到辣辣地 當然要飲返杯冰凍飲品荔枝特爽甜甜地，有淡淡嘅荔枝味，底層有椰果增加口感。