潮福蒸氣石鍋 (Closed)

潮福蒸氣石鍋，我上次食完次後，一直都念念不忘d海鮮既鮮甜味，無奈屋企真係無個d用具，所以我又黎潮福蒸一蒸，食之餘，真係同塊面做埋蒸氣facial一樣tim。今次同新蒲崗老朋友一齊食，住在越秀既佢行過對面就係餐廳，真方便，而且我既高要求好朋友都讚不絕口，相信會可以做佢飯堂啦。除左加一，有d必收費，包括$12一位茶芥醬油同$10一碟既炸花生。蒜蓉肉蟹蒸糯米飯$198上次試過粥底，但自己唔係好鐘意潮洲粥式既個隻粥，所以今次唔要粥底，要左蒸糯米飯肉蟹原隻上既，啖啖肉，而且糯米飯就好鮮甜，煙煙un un，吸左蟹既精華又有好香既蒜味!南非生猛龍蝦$188有幾款龍蝦選擇，唔識分亦唔識選，所以選了最貴個隻，$188一隻開邊兩份食，厚肉鮮甜彈牙。象拔蚌仔$168半打加左粉絲在底去蒸既，不過粉絲有d硬可能浸得唔夠透，不過終歸都好甜同爽甜！番薯蜆$148一斤超大既蜆，真係好鮮甜海南花螺$128半斤花螺肉唔係好多，本身都唔係成日食，都幾enjoy撩出來個過程，愈食愈多，停唔到口咁，不過我唔鐘意點甜醬，點番豉油襯d。家鄉釀茄子$98原來家鄉意思係釀鯪魚肉，唔錯架，清清地！嘉士伯大樽裝$18.8熱情既店員落力se