潮福蒸氣石鍋 (Closed) View

我同屋企人喺7-10-2017去新蒲崗潮福分店食蒸氣鍋，食物很有質素，該店嘅員工整體服務態度都好好，特別想表揚一位叫做阿成嘅後生仔，當日返夜嘅，佢好耐心咁幫我地去蒸和牛片，同我哋講想將顧客俾錢買嘅食物都整得好食，做到物有所值。佢仲好有熱誠咁介紹該店唔少必食之選，而且仲做到一份細心，留意到有隻碗有水跡，即時將佢更換。當我地食到差不多的時候，怕浪費食材，佢積極同廚房溝通，應我哋嘅要求將每分order嘅量減少。今時今日後生仔有呢個咁好嘅態度去待客待食物真係好少有！下次再去食都會去新蒲崗分店！加油。

星期六 老媽子生日 訂了一張大枱10人 一張細枱6人 共16人來試下這間蒸氣火鍋, 叫了一個10人餐 一個6人餐, 食物份量都好足夠, 有些食剩添, 整體海鮮都好新鮮, 龍蝦麻麻, 扇貝鮮甜,和牛原汁原味, 即蒸熱來食的馬拉糕 細路超like, 乳鴿10人餐有5隻 6人餐有3隻 食吾晒每枱都有職員負責蒸食物及分食物, 服務態度佳龍蝦麻麻鮑魚ok扇貝鮮甜 及好新鮮蠔都好肥美, 但我冇食龍躉件 都ok花甲, 蚌 , 蜆都好新鮮 好乾淨 沒有沙蟲草花蒸雞, 好滑南瓜粥，好綿 和牛 my 飛弗

一早8:00am開市人客不多，我們2人選了一張後排4人卡位坐，服務員好不客氣地走過來第一句便是要我們坐埋一邊比人搭桌，我們示意如多人時我地會樣位，她還喋喋不休地罵轉身走咗去，全程黑面，沖茶，落單無人理當睇你唔到，對熟客就180度玩变臉,總括: 無下次服務態度: 劣食物味質: 差

朋友外國回來，本想帶她去食吓香港時興的蒸氣鍋。 order 了兩位套餐，全晚都很失望。服務差，食物已熟但D服務員都遲遲不來開蓋，導致包魚，和牛，菜，扇貝全部overcook, 所謂和牛肉粒全完"趙"不開。勁差!!! 包餐的乳鴿又不夠熱。全個環境密麻麻，嘈得很, 我地坐卡位，架歺仲要放在坐位出口位，出入都要移車仔。全晚最不差都係鍋底粥。全晚兩人食了$875，哩個價錢勁不值。重要是不能與朋友享受美食，破壞了氣氛。

去多次潮福，今次有大陸親戚嚟，我介紹佢地食潮福因為最近先食完，都已經好想食多次。入到去，地方好大，店員又好好咁俾我地選了想坐嘅地方，仲教我地落單，我地選左粥底，再選湯就有得選自己喜歡嘅海鮮，其實好多都好正，好難選，有龍蝦必食，有蠔，鮑魚，象拔蚌，元貝等，正丫。上到嚟都樣樣新鮮，全部蒸先食到原汁原味，所以先食到真正新鮮，親戚都話正，仲話正過之前西貢食海鮮，食完海鮮就任食肉丫丸丫菜丫等，其實真係吾知佢地有冇得earn money，因為真係三百幾蚊又咁多新鮮海鮮又任食，又有waitress 幫你分野食幫你蒸埋教時間，仲有得任飲，汽水同beer，多人嘅話仲有白酒送，真係好抵食丫。最後食埋個粥，好棉，好甜，飽一飽丫。

又係family day嘅日子，同屋企人去左呢間響新蒲崗嘅潮福蒸氣石鍋店食晚飯，佢地呢個任飲任食蒸氣海鮮餐真係啱哂我地，有得任飲任食真係好抵呀！套餐有粥底、燉湯、海鮮同其他唔同菜色可以選擇，啤酒汽水都係任飲！呢度有個混醬吧，有多種醬油可以自己調配，芫茜、蔥花、蒜蓉、辣椒等配料都有，非常齊全！姬崧茸燉湯燉湯好清潤，裡面有好多材料，原來姬崧茸係咁樣嘅！脆皮乳鴿脆皮乳鴿，皮脆肉嫩，外皮炸到金黃酥脆，睇見已經流口水！貝殼盛盆貝殼盛盆有青口、花蛤等，青口好大隻，花蛤非常鮮甜。生猛龍蝦龍蝦真係好生猛，落鍋時仲識郁，好大隻，又多肉，肉質鮮美。美國桶蠔美國桶蠔又係大大隻，放埋粉絲、蔥花落去蒸，食落鮮甜肥美，原全唔覺腥。大元貝生猛大元貝好正，其中幾隻仲特別有膏，第一次食到有咁多膏嘅元貝，好鮮甜！任食菜式我地仲叫左好多任食菜式，有豬頸肉、釀花菇、釀勝瓜、梅菜豬肉丸、鯪魚球等等，好多款菜式選擇，其中我最鍾意食佢地自家製嘅鯪魚球，啖啖新鮮魚肉！瑤柱淮山粥最後食嘅瑤柱淮山粥好清甜，食左咁多肉，食番碗清清地嘅瑤柱淮山粥，淮山健康養胃，幾好食。屋企人都食到好飽好滿足，呢間店嘅海鮮好新鮮，任食套餐價錢唔貴，店員服務態

今晚就朋友放工嚟到新蒲崗搵食，朋友即介紹到潮福蒸氣石鍋。食海鮮一向係我嘅大愛，剛好有一個「任揀任食任飮蒸氣海鮮餐」真係啱哂我。最特別係有原盅燉湯，有老黃瓜唐排燉湯和姬崧茸燉海螺，我們當然選了後者！這盅海螺湯材料十足，見盅內真的有雞、豬骨、姬崧茸和海螺，唔怪得飲落啖湯會咁甜。這個餐還有脆皮乳鴿，上枱見到細細仔，我想應該係BB鴿！就是這樣肉質鮮嫩，火候剛好，不會乾身，好味！可惜每人半隻冇得添。上乳鴿嘅同時，待應姐姐把海蜆放入電鍋中，啱啱好食件乳鴿，就有新鮮海蜆食，時間啱啱好啲蜆既鮮甜大粒又冇沙！緊接着係北韓鮮鮑魚，上面仲有蟲草花，侍應姐姐計時啱啱好，鮑魚入口鮮味又彈牙！正！接著有大元貝和海蝦，真心覺得啲海鮮新鮮先至會咁好味。跟住呢就係生猛龍蝦，係夠啖啖肉但係相比頭先嘅海蝦，冇海蝦的味道濃郁，食到龍蝦尾先食到龍蝦味，可能個次序調一調會好啲！開頭都有啲擔心開先餐會唔夠飽但係原來仲有其他例如鲜打牛肉丸、鮮打蝦丸、蝦膠釀花菇、自家製鮻魚球、家鄕釀豆卜、香包荷葉飯、馬拉糕等等嘅食物！牛丸、蝦丸都入口彈牙、花菇厚實，全部都咁好味，想唔飽都幾難！差啲唔記得，最後還有瑤柱椎生粥底，呢個粥吸收晒頭先蒸海鮮嘅

放假前夕，心情特別開朗，心情零舍不同，儘情放鬆一下，去找食。相約同事，放工食飯去到盡，不論幾夜，只要開心。冬天過去，夏天來臨，不再吃火鍋，改食些比較清淡的食物，係時候為自己清一清腸胃，蒸海鮮是繼火鍋後，又登場了。當然，我地班同事，不會放過，先來聚一聚，食返一餐鮮味十足的海鮮，過下口福。今晚我地找食到新蒲崗，看到是任飲任食的蒸海鮮，見到都流晒口水，急不及待，上茶樓啦，上到樓上，幾乎每檯都是在食蒸海鮮餐，每檯面上，都放著一頂好別緻的類似越南式的草帽，好吸引，原是用來蒸海鮮時的蓋，透氣特別好。飲品有罐裝汽水、韓式果汁、更有自家的竹庶茅根汁、酸梅湯等，任飲。先來每人一盅滋潤燉，姫松茸燉螺頭肉湯，滋補養生，好香姬松茸味道、用上雞肉、瘦肉熬湯，湯汁清甜，美味。貝殼盛盆、北韓鮮鮑魚，每道蒸海鮮，蒸的時間都較得非常準確，不會蒸得太耐而韌，保持海鮮的鮮味及口感，食到鮮味。食左兩道蒸海鮮，又來了每人半隻的燒乳鴿，香噴噴，好入味，燒得皮脆肉嫩，仲有肉汁爆出，齒頰留香，食半隻，是不夠喉，我地還多落單二隻。食完乳鴿後，繼續蒸海鮮，海蝦、龍蝦，夠新鮮，肉質爽彈，肉質結實，鮮甜，啖啖肉。鮮肉丸、蝦丸、鮮牛肉丸，蝦肉

上星期六一家大細十個人到潮福食蒸汽鍋預祝母親節。一早book左枱，所以唔需要等枱。我地坐好後，男部長好殷勤招待，詳細解釋收費同點填點心紙。雖然話係一個價錢任食，但其實海鮮係幾種揀五款；肉呀，丸呀等等就係填點心紙任食。我地主要揀左鮑魚，龍蝦，蟶子，另加錢叫埋奄仔蟹。人齊後，食物陸續送上，仲有職員熱心幫手放食物落蒸籠蒸同分餸。所有海鮮都好好味，尤其是係最後煮好的粥，勁鮮甜！我食左兩碗。全餐飯都好滿意。如果價錢平d咁就perfect喇！

今日同老友經過新蒲崗，本來都唔諗住食野，不過貪飲貪食既我，見到有張大大張既poster，咁就比佢吸引左入去上到去正正放晏時間，人山人海，好彩唔洗等位，不過就要答枱，都ok 啦。話咁快野食就到，2個叫左2籠特價蝦餃，一個炒飯。蝦餃係原隻鮮蝦，蝦餃一到職員重教我地點先最好食，就係等5分鍾，蝦爽口彈牙，餃皮唔厚唔薄岩岩好，有驚喜呀不過個炒飯就有小小失望，佢係粒粒分明，不過好油好油，滿食一口都充滿了油，食一口飯就要飲一杯茶。普洱茶就幾好，唔係得色素，真係有茶味，下次再去飲過

今天放工去新蒲崗探朋友，去到剛好食晚飯時間，我們一起去睇下食乜？新蒲崗都有不少食店，記得好耐之前，老公生日曾到過寧遠街的厚福火鍋海鮮專門店食飯，味道吾錯，一於再去光顧，到了一看！原來已改名潮福蒸氣石鍋，新食店，試試無妨！這𥚃有蒸氣火鍋和任飲任食火鍋海鮮餐，我們選擇了後者，選了沙嗲鍋做湯底。每位敬送以下三款👇（以人頭計件數，以下是2人份量）刺身拼盤：打邊爐都有刺身食，而且都好新鮮！貝殼盛盆：貝殼有青口，花甲，大蜆等，味道鮮甜又冇沙！極上安格斯牛肉：好香牛肉味，輕輕放入鍋內灼一灼，放入口內，牛肉的香濃和林滑,真是回味無窮！另外自選海鮮4款：多款選擇中，我們選了生猛大元貝丶北韓象拔蚌、蘇格蘭聖子皇和北韓鮮鮑魚。（份量也是人頭計）這4款海鮮鮮味十足又彈牙，正👍以上各款是一次，不是任食的。任食的配料有數拾款:我們點了手打鮮蝦丸、豬肉丸、蟹籽鮮蝦滑、蝦滑讓鮮冬菇、鮮豬腰、粟米、鮮粉腸、極品黑豚肉和白柏葉，所有材料都好新鮮👍還有多款飲品任飲！

返工辛苦左一個星期, 今晚係時候對自己好D, 近近地同屋企人去左屋企附近搵食, 經過見到呢間潮福蒸氣石鍋酒樓, 除左有蒸氣石鍋食之外, 仲有任飲任食打邊爐。前幾晚食完蒸氣鍋, 所以今晚就決定揀打邊爐!上到去, 已經有好幾檯食緊蒸氣火鍋/打邊爐, 但因為冷氣充足, 所以沒有焗促感坐低先送上一碟前菜花生 (HK$15), 邊食邊落Order火鍋醬料自助混醬 (醬油費已包至前菜費用)呢度既湯底都係一般傳統普通既口味, 我地就揀左沙爹湯底, 再自選4款限量一次性order既海鮮 (每圍最多只可選4款)我地揀左蟶子皇、鮑魚、象拔蚌同埋大元貝每款海鮮都幾有份量, 大大隻! 而且都幾新鮮, 鮑魚很有咬口, 最中意象拔蚌, 超級爽口!另外, 刺身、貝殼併盤同埋極尚安格斯牛肉 呢三樣就係以人頭計算份量, 亦係限量只可以order一次!雖然刺身款式唔多, 但係呢D中式餐廳食到唔難食既刺身, 都算係咁!反而最驚喜既係呢籃貝殼併盤, D蜆好好好大隻, 就算熟左, Size都比五蚊硬幣更大! 而且食落冇沙, 帶點鮮味爽口之後我地就係order上click 一d可以無限追加既配料, 款式都幾多! 豬、牛、羊、雞既

蒸氣火鍋越開越多, 有貴有平, 之前曾到過潮福蒸氣火鍋，覺得其食物水準十分高，所以今次與朋友聚會，我二話不說選了潮福，果然不負我的寄望。我食左以下東西.... 選了最基本的任食套餐，份量已經很足夠了。頭盤竟有乳鴿熱食讓你先"醫肚"再等待蒸海鮮，之前吃過的蒸氣火鍋也沒有這樣的安排，所以對於潮福這個貼心的行為加分，而且乳鴿的水準也不錯，皮很脆，很熱，吃得出是新鮮而不是放了一整天的質素。另外，不得不提是他們的燉湯，也是其他的火鍋店沒有的，飲得出這個湯真的是燉出來，很熱很燙口而且沒有味精。這次我選了海螺湯，滋味十足，非常值得推介。然後便是一貫的海鮮風味，可以任選四款，再加上本身已經有的蜆，全部清蒸，我沒有加任何醬料已覺很鮮甜，鍾意海鮮的朋友一定很喜歡。我特別喜歡吃這裏的鮑魚，很大隻，蒸得熟透時，整個鮑魚會離殼，很容易吉出來，而且面頭有蟲草，鮑魚食落去也不硬，很難得啊！當然還有聖子和象拔蚌，也是很新鮮，蒸完出來後很爽口再配搭粉絲，完全不需要加醬汁便可以吃得出他的鮮味！ 最後還有龍蝦，雖然不是很很很大隻，但以一個人的份量來說，已經足夠，肉質也不老食得出有龍蝦味。 其後的便是任叫的環節，手打蝦丸做得

潮福之前已經食過兩次 貪其名碼實價 套餐一個價錢包晒龍蝦,乳鴿,足料燉湯,海鮮,和牛,馬拉糕,啤酒汽水等 咩都有得食 抵食夾大件 對於我同小胖女呢d吃貨之人 食任食套餐真係抵到爛之餘 又唔怕唔小心破大財之前食過兩次都覺得質素ok 今次就同小胖女去新蒲崗間分店試下龍蝦大大隻啖啖肉 又爽口又彈牙燉湯同乳鴿真係每次都令人讚不絕口 乳鴿肉嫩多汁 外皮燒得脆卜卜, 燉湯仍然係咁足料 熱辣辣今次海鮮就揀左之前食唔到既聖子皇, 同埋食過翻尋味既鮑魚,蒜蓉扇貝,同埋石蠔樣樣都夠晒鮮甜 聖子皇彈牙爽口, 鮑魚嫩滑, 基本上樣樣都好食馬拉糕依然係我地既必食之選另外不得不提 之前一直無試過既蒸勝瓜 今次試左就知道原來好爽甜 冬天圍埋蒸海鮮 暖粒粒 爽既

屋企人生日食豪少少就走左去食蒸海鮮，簡左呢間任飲任食，決定食餐勁！ ＄338 加一，每位有三款野食乳鴿、貝殼、龍蝦送， 一嚟就緊係簡海鮮先啦，簡左兩樣北韓嚟嘅海鮮XDXD 鮑魚、象拔蛘 屋企人就簡左桶蠔同蟶子。 之後再簡埋個粥底同湯就乖乖等食。 過左幾分鐘，阿姐就送上燉湯，起初以為都係廚房畢出嚟個d 例湯…錯晒！真係熱辣辣同好足料∼無咩味精而且好清好甜，飲完成個人暖晒。 乳鴿同貝殼正當我品嘗個湯，回味緊時候，已經比屋企人清晒，佢地大讚乳鴿d 肉唔老好多肉，貝殼隻隻都唔腥。 之後阿姐就開始蒸龍蝦同鮑魚，5分鐘左右就上碟啦，先食龍蝦，唔點醬料就咁一口食晒，唔算大隻都肉質好滑鮮甜，再加埋頭個d膏，好甘甜。 鮑魚有薑絲加蟲草伴住，薑去走左d 腥味，鮑魚好彈牙，得一隻唔夠喉XP食緊野期間，阿姐就蒸緊象拔蛘同蟶子，兩個都加左粉絲索d汁，全部都切好晒一件件可以成啖放落口，時間蒸得剛剛好，林得嚟又不乏咬口，如果加d蒜溶就一流。 最後蒸桶蠔，好大隻呀！要分幾啖先得 食完海鮮都有7分飽，再點下肉類。 蟲草清遠雞，呢個我encore 左三次，雞好滑溜少骨，肥瘦平均。 另外仲叫左唔同的手打圓，最彈牙好食1就係