勁餃笑

Open Now

Now Closed

今次同朋友仔嚟到紅磡德民街「勁餃笑」食手工餃子🥟，佢地會送自家製菜脯，仲可以免費任加嚟食，口感爽口，而且辣得過癮！餐廳以日式風格裝潢，木色作為基本主調，令人感覺溫暖又舒適。今次叫咗以下嘅美食： 湯餃雙拼 （大蔥牛肉餃 & 黑松露粟米豬肉餃）大蔥牛肉餃入口香滑，餃皮通透，咬開後，滿滿嘅牛肉香味，非常好食；黑松露粟米豬肉餃有咬口，粟米粒粒飽滿又鮮甜，調味剛好！花膠雞絲湯麵份量十足，花膠口感非常軟腍，養顏之選！煮蜆（期間限定） 蜆肉鮮甜，有大量金菇同粉絲，煮得好入味，辣得惹味！關東煮🍢以雞湯做湯底煮製，令到呢個關東煮非常美味，食材豐富！飲品蘋果雪梨水（季節限定），味道清潤益胃，非常香甜，健康之選；羅漢果白茶香氣清新，味道甜香，茶味清甜回甘。